ବଡ ପରଦାରେ ପୁଣି ପପୁ ପମ୍ ପମ୍

ଦୀର୍ଘ ବର୍ଷେ ପରେ ବଡ ପରଦାକୁ କମବ୍ୟାକ କରୁଛନ୍ତି କମେଡି କିଙ୍ଗ ପପୁ ପମ୍ ପମ୍ । ଫିଲ୍ମ ‘ମିଷ୍ଟର କହ୍ନେୟା’ ଜରିଆରେ ପରଦାକୁ ଫେରୁଛନ୍ତି ପପୁ ।

ଭୁବନେଶ୍ବର: ପୁଣି ଥରେ ବଡ଼ ପରଦାରେ ଅଭିନୟ କରିବେ କମେଡି କିଙ୍ଗ ପପୁ ପମ୍ ପମ । ପାନକ୍ରିଆଟିକ୍ ରୋଗରେ ପୀଡିତ ହୋଇ ଦିଲ୍ଲୀରେ ଚିକିତ୍ସିତ ହେଉଥିବା ପପୁ କିଛି ଦିନ ତଳେ ଓଡିଶା ଫେରିଥିଲେ । ତେବେ ସୁସ୍ଥ ହେବା ପରେ ପପୁ ପମ୍ ପମ୍ ଙ୍କ ପ୍ରଥମ ଫିଲ୍ମ । ‘ମିଷ୍ଟର କହ୍ନେୟା’ ନାମକ ଫିଲ୍ମରେ ମୁଖ୍ୟ ଭୁମିକାରେ ନଜର ଆସିବେ ପପୁ ।

ଫଟୋ ସୌଜନ୍ୟ: ପ୍ରତିନିଧି, ଭୁବନେଶ୍ବର

ଏହା ସିଦ୍ଧାର୍ଥ ବ୍ୟାନରର 27ତମ ଫିଲ୍ମ । ଫିଲ୍ମର ନିର୍ଦ୍ଦେଶନା ଭାର ସମ୍ଭାଳିଛନ୍ତି ରମେଶ ରାଓ ଓ ପ୍ରଯୋଜନା କରିବେ ସୀତାରାମ ଅଗ୍ରୱାଲ । ଅନ୍ୟପକ୍ଷେ ଫିଲ୍ମରେ ମୁଖ୍ୟ ଅଭିନେତ୍ରୀ ଭାବେ ଝିଲିକ ନଜର ଆସିବେ । ତେବେ ଫିଲ୍ମଟି ଗଣେଶ ପୂଜାରେ ରିଲିଜ ହେବାର ସୂଚନା ଦେଇଛନ୍ତି ନିଜେ ପ୍ରଯୋଜକ ।

ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ