ଭୁବନେଶ୍ବର: ଖୁବଶୀଘ୍ର ପରଦାରେ ପ୍ରେମ କାହାଣୀକୁ ନେଇ ଆଧାରିତ ଚଳଚ୍ଚିତ୍ର 'ବାଜିବ ଲୋ ସାହାନାଇ' ଦେଖିବାକୁ ଯାଉଛନ୍ତି ଦର୍ଶକ । ଆଜି ଏହି ଚଳଚ୍ଚିତ୍ରର ଶୁଭ ମହୁରତ ଭୁବନେଶ୍ବର ସ୍ଥିତ ଏକ ଶିବ ମନ୍ଦିରରେ ରଖାଯାଇଥିଲା ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ଏହି ମହୁରତରେ ସମସ୍ତ କଳାକାରଙ୍କ ଠାରୁ ନିର୍ଦ୍ଦେଶକ ପ୍ରମୁଖ ମଧ୍ୟ ଯୋଗ ଦେଇଥିଲେ । 'ବାଜିବ ଲୋ ସାହାନାଇ' ଚଳଚ୍ଚିତ୍ରରେ ଓଲିଉଡର ଚକଲେଟ ହିରୋ ଅମଲାନ ଓ ସମ୍ବିତଙ୍କ ସହ ରୋମାନ୍ସ କରୁଥିବାର ନଜର ଆସିବେ ଅଭିନେତ୍ରୀ ଝିଲିକ ।
ସେହିପରି ଏହି ଚଳଚ୍ଚିତ୍ରର ପ୍ରଯୋଜନା ଜନ୍ମେଜୟ ଦେଇଥିବାବେଳେ ନିର୍ଦ୍ଦେଶନା ଦେଇଛନ୍ତି ଆଶୁତୋଷ ମହାପାତ୍ର । ମ୍ୟୁଜିକ ଭାର ସମ୍ଭାଳିଛନ୍ତି ସଙ୍ଗୀତ ନିର୍ଦ୍ଦେଶକ ଟିଟନ । ଅନ୍ୟପଟେ ଚଳଚ୍ଚିତ୍ରର ଡାଇଲଗ ଲେଖିଛନ୍ତି ସଞ୍ଜୟ ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
