ଭୁବନେଶ୍ବର: ଫିଲ୍ମ ଜର୍ଣ୍ଣାଲିଷ୍ଟ ଫୋରମ ବ୍ୟାନରରେ ମୁକ୍ତିଲାଭ କଲା ଓଡ଼ିଆ ଭଜନ ‘ପ୍ରାୟଶ୍ଚିତ’ । ଆଉ ଏଥିରେ ‘ହଜିଯିବ ଧନ ଯୌବନ ' ଏବଂ ‘ମୁ ମରିଗଲେ ଦୁନିଆ କହିବ ପାପି’ ଭଳି ଦୁଇଟି ଗୀତ ଶୁଣିବାକୁ ପାଇଛନ୍ତି ଦର୍ଶକ ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ପାର୍ବଣ ଋତୁ ଆରମ୍ଭ ହୋଇଥିବାରୁ ମେକର୍ସ ‘ପ୍ରାୟଶ୍ଚିତ’ ଭଜନର ମୁକ୍ତିଲାଭ କରିଛନ୍ତି । ଭୁବନେଶ୍ବର ସ୍ଥିତ ୟୁନିଟ 4 ଗଣେଷ ପୂଜା ପେଣ୍ଡାଲରେ ଏହାର ମୁକ୍ତିଲାଭ କରିବାକୁ ପହଞ୍ଚିଥିଲେ ଅଭିନେତା ସବ୍ୟସାଚୀ ମିଶ୍ର । ତାଙ୍କ ସହ ଉପସ୍ଥିତ ଥିଲେ ଭଜନର ପୁରା ଷ୍ଟାରକାଷ୍ଟ ଏବଂ ମେକର୍ସ ।
ଗାୟକ ଶିବ ରଥ ଓ ପ୍ରଣବ ପଟ୍ଟନାୟକଙ୍କ କଣ୍ଠରେ ଏହି ଦୁଇଟି ଗୀତ ଗୁରୁବାର ଲୋକାର୍ପିତ ହୋଇଥିବା ବେଳେ ସ୍ବର ସଂଯୋଜନା କରିଛନ୍ତି ସଂଗୀତ ନିର୍ଦ୍ଦେଶକ ଯଜ୍ଞ ।
ଅନ୍ୟପଟେ ‘ହଜିଯିବ ଧନ ଯୌବନ’ ଗୀତରେ ଅଭିନୟ କରିଛନ୍ତି ଅଭିନେତା ବାବୁଲି ଓ ଅଭିନେତ୍ରୀ ରୀନା । ସେହିଭଳି ‘ମୁଁ ମରିଗଲେ ଦୁନିଆ କହିବ ପାପି’ ଗୀତରେ ଅଭିନୟ କରୁଥିବାର ନଜର ଆସିଛନ୍ତି ଅଭିନେତା ବିକ୍ରମ ଓ ଅଭିନେତ୍ରୀ ରାଣୀ ।
