ହାଇଦ୍ରାବାଦ: ମଲ୍ଟିଷ୍ଟାରର ଫିଲ୍ମ ‘ହାଉସଫୁଲ-4’ ଶୁକ୍ରବାର ରିଲିଜ ହେଉଛି । ଫିଲ୍ମର ରିଲିଜ ପୂର୍ବରୁ ରିଲିଜ ହୋଇଥିବା ଗୀତକୁ ଦର୍ଶକ ବେଶ୍ ପସନ୍ଦ କରିଛନ୍ତି । ଗୀତରେ ସମସ୍ତ ମୁଖ୍ୟ ଚରିତ୍ରଙ୍କୁ ଦେଖିବାକୁ ମିଳିଛି । ଅକ୍ଷୟ ଏଥିରେ ନିଆଁ ସହ ଖେଳୁଥିବାର ମଧ୍ୟ ନଜର ଆସିଛନ୍ତି ।
‘ଛମ୍ମୋ’ ଗୀତରେ ସବୁ ଷ୍ଟାରଙ୍କ ଦମଦାର ଡ୍ୟାନ୍ସ ସହ କମେଡିର ତଡକା ମଧ୍ୟ ଦେଖିବାକୁ ମିଳିଛି । ଗୀତକୁ ସୁଖବିନ୍ଦର ସିଂହଙ୍କ ସମେତ ସୋହେଲ ସେନ୍, ଶ୍ରେୟା ଘୋଷାଲ ଓ ଶାଦାବ ଫରିଦି ଗାଇଛନ୍ତି ।
ଗୀତରେ ତିନି ଯୋଡି ଖୁବ ଯୋରଦାର ଡାନ୍ସ କରୁଥିବାର ଦେଖିବାକୁ ମିଳିଛି । ଏହାପୂର୍ବରୁ ‘ଦି ଭୂତ ସଙ୍ଗ୍’ ରିଲିଜ ହୋଇଥିଲା । ଏଥିରେ ନବାଜୁବ୍ଦିନ ସିଦ୍ଧିକିଙ୍କୁ ଦେଖିବାକୁ ମିଳିଥିଲା । ସାଜିଦ ନାଡିଆଡୱାଲା ଫିଲ୍ମର ପ୍ରଯୋଜନା ଭାର ସମ୍ଭାଳିଛନ୍ତି ।
