ହାଇଦ୍ରାବାଦ: ହିଜାବ ପିନ୍ଧିବା ନେଇ କୋର୍ଟ ଯଦିଓ ରାୟ ଶୁଣାଇ ସାରିଛନ୍ତି, ତଥାପି ଏହି ବିବାଦ ବନ୍ଦ ହେବା ଭଳି ମନେ ହେଉନାହିଁ। ଏହି ବିବାଦକୁ ନେଇ ପୁଣି ମୁହଁ ଖୋଲିଛନ୍ତି ମିସ୍ ୟୁନିଭର୍ସ 2021 ହରନାଜ କୌର ସନ୍ଧୁ । ଝିଅମାନଙ୍କୁ ଟାର୍ଗେଟ କରିବା ବନ୍ଦ କରିବାକୁ ହରନାଜ ଲୋକଙ୍କୁ ନିବେଦନ କରିଛନ୍ତି । ହିଜାବ ବିବାଦ ସମ୍ପର୍କରେ ହରନାଜ କହିଛନ୍ତି ଯେ, ଯେଉଁ ଢଙ୍ଗରେ ସେମାନେ ବଞ୍ଚିବାକୁ ଚାହୁଁଛନ୍ତି, ସେହିଭଳି ବଞ୍ଚିବାକୁ ଦିଅନ୍ତୁ।
-
हिजाब पर बोलती हुई मिस यूनिवर्स हरनाज़ संधु♥️#Hijab #HarnaazSandhu pic.twitter.com/imSJamLrTh
— Mohd Amir Mintoee (@MAmintoee) March 26, 2022 " class="align-text-top noRightClick twitterSection" data="
">हिजाब पर बोलती हुई मिस यूनिवर्स हरनाज़ संधु♥️#Hijab #HarnaazSandhu pic.twitter.com/imSJamLrTh
— Mohd Amir Mintoee (@MAmintoee) March 26, 2022हिजाब पर बोलती हुई मिस यूनिवर्स हरनाज़ संधु♥️#Hijab #HarnaazSandhu pic.twitter.com/imSJamLrTh
— Mohd Amir Mintoee (@MAmintoee) March 26, 2022
କର୍ଣ୍ଣାଟକ ହାଇକୋର୍ଟର ତିନିଜଣିଆ ଖଣ୍ଡପୀଠ ନିକଟରେ ଶିକ୍ଷାନୁଷ୍ଠାନରେ ହିଜାବ ପିନ୍ଧିବାକୁ ଅନୁମତି ମାଗିଥିବା ଆବେଦନକୁ ଖାରଜ କରିଦେଇଛନ୍ତି। ଏଥିରେ କୁହାଯାଇଛି ଯେ ସ୍କାର୍ଫ ଏକ ଆବଶ୍ୟକ ଧାର୍ମିକ ପ୍ରଥା ନୁହେଁ ଏବଂ ଯେଉଁ ଶିକ୍ଷାନୁଷ୍ଠାନ ଗୁଡ଼ିକରେ ୟୁନିଫର୍ମ ନିର୍ଦ୍ଧାରିତ ହୋଇଯାଇଛି ସେଠାରେ ଏହାର ପାଳନ କରାଯିବା ଉଚିତ୍।
ସୋସିଆଲ ମିଡିଆରେ ଭାଇରାଲ ହୋଇଥିବା ଏକ କ୍ଲିପ୍ରେ ଜଣେ ସାମ୍ବାଦିକ ସଞ୍ଜୁଙ୍କୁ ହିଜାବ ପ୍ରସଙ୍ଗରେ ତାଙ୍କ ମତାମତ ପଚାରିଥିଲେ। ଚଣ୍ଡିଗଡରେ ରହୁଥିବା ଜଣେ ମଡେଲ ଏହି ପ୍ରଶ୍ନ ଉପରେ ଅସନ୍ତୋଷ ବ୍ୟକ୍ତ କରିଥିଲେ। ସମାଜରେ ଝିଅମାନଙ୍କୁ କେତେଥର ଟାର୍ଗେଟ କରାଯାଏ ବୋଲି ସେ କହିଛନ୍ତି। ହରନାଜ କହିଛନ୍ତି- ସତ କହିବାକୁ ଗଲେ ଆପଣ ସବୁବେଳେ ଝିଅମାନଙ୍କୁ ଟାର୍ଗେଟ କରୁଛନ୍ତି କାହିଁକି ? ଆପଣ ଏବେ ମୋତେ ଯେମିତି ଟାର୍ଗେଟ କରୁଛନ୍ତି....। ସନ୍ଧୁ କହିଛନ୍ତି ଯେ, ଝିଅମାନଙ୍କୁ ନିଜ ଇଚ୍ଛାନୁସାରେ ବଞ୍ଚିବାକୁ ଦିଅନ୍ତୁ, ସେମାନଙ୍କୁ ନିଜ ଗନ୍ତବ୍ୟ ସ୍ଥଳରେ ପହଞ୍ଚିବାକୁ ଦିଅନ୍ତୁ, ଏହା ହେଉଛି ସେମାନଙ୍କର ଡେଣା, ତାକୁ କାଟନ୍ତୁ ନାହିଁ, କାଟିବାର ଅଛି ତ ନିଜେ ନିଜକୁ କାଟନ୍ତୁ ।
ସୂଚନାଯୋଗ୍ୟ ଯେ, କର୍ଣ୍ଣାଟକ ହାଇକୋର୍ଟ ଶ୍ରେଣୀଗୃହରେ ହିଜାବ ପିନ୍ଧିବା ଉପରେ ପ୍ରତିବନ୍ଧକ ଲଗାଇ କହିଥିଲେ ଯେ ହିଜାବ ଏକ ଧାର୍ମିକ ପ୍ରଥା ନୁହେଁ। ଗତ ଗୁରୁବାର ଦିନ ସୁପ୍ରିମକୋର୍ଟ କର୍ଣ୍ଣାଟକ ହାଇକୋର୍ଟଙ୍କ ନିଷ୍ପତ୍ତିକୁ ଚ୍ୟାଲେଞ୍ଜ କରୁଥିବା ଆବେଦନଗୁଡ଼ିକର ତ୍ୱରିତ ଶୁଣାଣି କରିବାକୁ ମନା କରି ଦେଇଛନ୍ତି।
ବ୍ୟୁରୋ ରିପୋର୍ଟ, ଇଟିଭି ଭାରତ
