ହାଇଦ୍ରାବାଦ: ବଲିଉଡର ଏଭରଗ୍ରୀନ ଅଭିନେତ୍ରୀ ଶ୍ରୀଦେବୀଙ୍କ ଝିଅ ଖୁସି କପୁର ନିଜ ନିକଟରେ କରିଥିବା ଫଟୋସୁଟର ଧମାକାଦାର ଫଟୋ ସେୟାର କରିଛନ୍ତି । ଏଥିରେ ଖୁସି ଏକ ଲାଲ ରଙ୍ଗର ଆଉଟଫିଟ ପିନ୍ଧିଛନ୍ତି । ଯେଉଁଥିରେ ସେ ଖୁବ ସୁନ୍ଦର ଲାଗୁଥିବା ବେଳେ ବଲିଉଡରେ ନିଜ ସ୍ଥାନ ପକ୍କା କରିଥିବା ବଡ ଭଉଣୀ ଜାହ୍ନବୀ ମଧ୍ୟ ଏହି ଫଟୋଗୁଡିକୁ ସେୟାର କରିଛନ୍ତି ।
ଖୁସିଙ୍କ ଏହି ଫଟୋସୁଟ ଫ୍ୟାସନ ଫଟୋଗ୍ରାଫର ଶଶା ଜୟରାମ କରିଛନ୍ତି । ଏହି ଫଟୋରେ ଖୁସି ଲାଲ ରଙ୍ଗର ଏକ ଆଉଟଫିଟ ପିନ୍ଧିଥିବା ସହିତ ଖୁସିଙ୍କ ଚୁଟି ଖୋଲା ରହିଛି । ଜାହ୍ନବୀ ନିଜ ସାନ ଭଉଣୀଙ୍କ ଫଟୋକୁ ନିଜ ଇନଷ୍ଟାଗ୍ରାମ ଆକାଉଣ୍ଟରେ ମଧ୍ୟ ସେୟାର କରିଛନ୍ତି । ଖୁସିଙ୍କ ଫଟୋକୁ ପ୍ରିୟ ବନ୍ଧୁ ନଭ୍ୟା ନଭେଲୀ ନନ୍ଦ ଓ ସନାୟା କପୁର ମଧ୍ୟ ସେୟାର କରିଛନ୍ତି । ତେବେ ଖୁସି ଖୁବଶୀଘ୍ର ବଲିଉଡରେ ପାଦ ଥାପିବାକୁ ଯାଉଛନ୍ତି ।
ଏ ସମ୍ପର୍କରେ ତାଙ୍କ ପିତା ତଥା ଫିଲ୍ମ ମେକର ବୋନି କପୁର ସୂଚନା ଦେଇଛନ୍ତି । ଖୁସି ମଧ୍ୟ ଖୁବଶୀଘ୍ର ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି । ଏ ସମ୍ପର୍କରେ ସେ ଖୁବଶୀଘ୍ର ଘୋଷଣା କରିବେ ବୋଲି ବୋନି କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
