ଥିରୁଅନନ୍ତପୁରମ: କେରଳର ଭୟଙ୍କର କାର ଦୁର୍ଘଟଣା । ଅକାଳରେ ଚାଲିଗଲେ ୨ ସୁନ୍ଦରୀ ମିସ ସାଉଥ ଇଣ୍ଡିଆ ୨୦୨୧ ଅନ୍ସି କବୀର ଓ ମିସ କେରଳ ୨୦୧୯ର ରନର୍ସ-ଅପ ଅଞ୍ଜନା ସାଜନ । ଏମାନଙ୍କ କାର ଭାରସାମ୍ୟ ହରାଇ ଏକ ୨ ଚକିଆ ଗାଡ଼ିକୁ ଧକ୍କା ନ ଦେବାକୁ ଉଦ୍ୟମ କରିବା ସମୟରେ ଓଲଟି ପଡିଥିଲା । ଫଳରେ ଦୁର୍ଘଟଣାରେ ଏହି ୨ ସୁନ୍ଦରୀ ଦ୍ବୟଙ୍କ ମୃତ୍ୟୁ ଘଟିଥିବା ସୋମବାର ପୋଲିସ ସୂଚନା ଦେଇଛି ।
- " class="align-text-top noRightClick twitterSection" data="
">
ସୋମବାର ମଧ୍ୟରାତ୍ରିରେ ଏହି ଭୟଙ୍କର ସଡକ ଦୁର୍ଘଟଣା ଘଟିଛି । କାରଟି ଭାରସାମ୍ୟ ହରାଇ ରାସ୍ତାରେ ଯାଉଥିବା ଏକ ୨ ଚକିଆ ଯାନକୁ ଧକ୍କା ନ ଦେବାକୁ ଚେଷ୍ଟା କରିଥିଲା । ଏହାରି ମଧ୍ୟରେ ଓଲଟି ପଡ଼ିଥିଲା କାର । କାରରେ ମୋଟ ୪ ଜଣ ଯାତ୍ରା କରୁଥିଲେ । ଏହି କାରରେ ଅନ୍ସିଙ୍କ ସହ ଅଞ୍ଜନା ମଧ୍ୟ ଥିଲେ । ଅନ୍ସି ମିସ ସାଉଥ ଇଣ୍ଡିଆ ୨୦୨୧ ଜିତିବା ସହିତ ମିସ କେରଳ ୨୦୧୯ ମଧ୍ୟ ଜିତିଥିଲେ । ଯେଉଁଥିରେ ଅଞ୍ଜନା ରନର୍ସ-ଅପ ହୋଇଥିଲେ । ଦୁର୍ଘଟଣା ଘଟିବା ପରେ ଘଟଣାସ୍ଥଳରେ ହିଁ ଅନ୍ସି ଓ ଅଞ୍ଜନାଙ୍କ ମୃତ୍ୟୁ ଘଟିଥିଲା ।
- " class="align-text-top noRightClick twitterSection" data="
">
ସେପଟେ କାରରେ ଥିବା ଅନ୍ୟ ୨ ଜଣଙ୍କ ମଧ୍ୟରୁ ଜଣେ ଚିକିତ୍ସିତ ହେଉଥିବା ବେଳେ ଆଉ ଜଣଙ୍କ ଅବସ୍ଥା ଗୁରୁତର ଥିବା ଜଣାପଡ଼ିଛି । ପୋଲିସ କହିବା ଅନୁସାରେ ଏହି ଭୟଙ୍କର ଦୁର୍ଘଟଣାରେ କାରଟି ସମ୍ପୂର୍ଣ୍ଣ ଭାବେ କ୍ଷତିଗ୍ରସ୍ତ ହୋଇଥିବା ବେଳେ ଘଟଣାସ୍ଥଳରେ ଏହି ୨ ସୁନ୍ଦରୀଙ୍କ ମୃତ୍ୟୁ ଘଟିଥିଲା । ଅନ୍ୟପଟେ ମିସ ସାଉଥ ଇଣ୍ଡିଆ ୨୦୨୧ ଅନ୍ସିଙ୍କର ଇନଷ୍ଟାଗ୍ରାମ ପୋଷ୍ଟ ଖୁବ ଚର୍ଚ୍ଚାରେ ରହିଛି । ସେ ମୃତ୍ୟୁ ପୂର୍ବରୁ ଏକ ଭିଡ଼ିଓ ସେୟାର କରିଥିଲେ । ଯେଉଁଥିରେ ସେ ଲେଖିଥିଲେ, " ବର୍ତ୍ତମାନ ସମୟ ଆସିଛି ଯିବାର" । ଯାହାକି ବାସ୍ତବରେ ହୋଇଛି ସତ ।
