ଭୁବନେଶ୍ବର: ଫିଲ୍ମ ଫ୍ରାଇଡେରେ ରିଲିଜ ହେଲା ଓଡ଼ିଆ ଫିଲ୍ମ 'ରଙ୍ଗ ବରଷିବ ଟୁପୁର ଟୁପୁର'। ଯାହାର ପ୍ରିମିୟର ଭୁବନେଶ୍ବର ସ୍ଥିତ ଶ୍ରୀୟା କମ୍ପ୍ଲେକ୍ସ ଠାରେ ଅନୁଷ୍ଠିତ ହୋଇଯାଇଛି। ଏଥିରେ ନିୟୁ କମର ହିରୋ ଭୂମିକାରେ ତାପସ ଓ ଅଭିନେତ୍ରୀ ସୁଶ୍ରୀ ରଥଙ୍କ ଯୋଡିକୁ ଶ୍ରୀମହାପାତ୍ର ଅତି ସୁନ୍ଦର ଭାବେ କାହାଣୀରେ ଦେଖାଇଛନ୍ତି ।
ଫିଲ୍ମର ପ୍ରିମିୟର ସୋରେ, ବହୁ କଳାକାର ,ଟେକ୍ନିସିଆନଙ୍କ ଠାରୁ ନିର୍ଦ୍ଦେଶକ ଓ ପ୍ରଯୋଜକ ମଧ୍ୟ ଯୋଗ ଦେଇଥିଲେ। ଏକ ଓଡ଼ିଆ ପରିବାରର କାହାଣୀକୁ ନେଇ ଏହି ଚଳଚ୍ଚିତ୍ରଟିର ରୂପ ଦେଇଛନ୍ତି ନିର୍ଦ୍ଦେଶକ ଜିତେନ୍ଦ୍ର ମହାପାତ୍ର। ପୂର୍ବରୁ ଅନେକ ଓଡ଼ିଆ ଧାରାବାହିକ ଓ ଚଳଚ୍ଚିତ୍ରରେ ନିର୍ଦ୍ଦେଶକ ହିସାବରେ ଦର୍ଶକଙ୍କ ପାଖରେ ନିଜର ଖାସ ପରିଚୟ ସୃଷ୍ଟି କରିଥିବା ଶ୍ରୀ ମହାପାତ୍ର ଏଥିରେ ନିର୍ଦ୍ଦେଶନା ଦାୟିତ୍ବ ତୁଳାଇଛନ୍ତି।
ଏହାବ୍ୟତୀତ କାହାଣୀ, ସ୍କ୍ରିନ ପ୍ଲେ, ସଂଳାପ ମଧ୍ୟ ସେ ନିଜେ ଲେଖିଛନ୍ତି। ଯାହାକୁ ବରିଷ୍ଠ ଅଭିନେତା ମିହିର ଦାସ, ଅପରାଜିତା ମହାନ୍ତି, ଅଶ୍ରୁ ମୋଚନ, ବିଜୁ ବଡ଼ଜେନା, ହର ରଥ ଭଳି କଳାକାରମାନେ ଜୀବନ୍ତ କରି ପରଦାରେ ଜୀବନ୍ତ ଗଢି ତୋଳିଛନ୍ତି।
ତେବେ ଫିଲ୍ମରେ ଦର୍ଶକଙ୍କ ପାଇଁ ପାରିବାରିକ କାହାଣୀ ସହିତ ସହିତ 5 ଟି ଶୃତି ମଧୁର ଗୀତ ଦର୍ଶକଙ୍କୁ ବେଶ ମନୋରଞ୍ଜନର ଖୋରାକ ଯୋଗାଇଛି । ମୋଟାମୋଟି ଭାବରେ କହିବାକୁ ଗଲେ କଳାକାରଙ୍କ କହିବା ଅନୁସାରେ କପି ଓ ପେଷ୍ଟ ଫିଲ୍ମ ଅପେକ୍ଷା ଓଡ଼ିଆ କାହାଣୀକୁ ନେଇ ଏକ ସୁନ୍ଦର ପ୍ରେମ ଓ ପାରିବାରିକ ମନୋରଞ୍ଜନ ଧର୍ମୀ ଫିଲ୍ମ ହୋଇଛି 'ରଙ୍ଗ ବରଷିବ ଟୁପୁର ଟୁପୁର' ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ।
