ମୁମ୍ବାଇ: ଲୋକପ୍ରିୟ ବଙ୍ଗୀୟ ଅଭିନେତା ସୌମିତ୍ର ଚାଟାର୍ଜୀ ଗତ କିଛି ଦିନରେ ଭେଣ୍ଟିଲେଟରରେ ଥିଲେ । କୋରୋନା ପଜିଟିଭ ଆସିବା ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏବେ ତାଙ୍କ ସ୍ବାସ୍ଥ୍ୟବସ୍ଥାଙ୍କୁ ନେଇ ଖୁସି ଖବର ସାମ୍ନାକୁ ଆସିଛି । ହସ୍ପିଟାଲ ପକ୍ଷରୁ କୁହାଯାଇଛି ବର୍ତ୍ତମାନ ସେ ସୁସ୍ଥ ଅଛନ୍ତି । ଆଉ ତାଙ୍କ କୋରୋନା ରିପୋର୍ଟ ମଧ୍ୟ ନେଗେଟିଭ ଆସିଛି ।
ତାଙ୍କ ଚିକିତ୍ସା କରୁଥିବା ଡାକ୍ତରଙ୍କ ଅନୁଯାୟୀ ଗତ କିଛି ଦିନ ଅପେକ୍ଷା ବର୍ତ୍ତମାନ ସୁସ୍ଥ ଅଛନ୍ତି ସୌମିତ୍ର । ଏହାସହ ସେ ପ୍ରତିକ୍ରିୟା ଦେବା ମଧ୍ୟ ଆରମ୍ଭ କରିଛନ୍ତି । 85 ବର୍ଷିୟ ସୌମିତ୍ରଙ୍କ ଚିକିତ୍ସା ପାଇଁ 15 ଜଣିଆ ଡାକ୍ତରଙ୍କ ଏକ ଟିମ ଗଠନ ହୋଇଛି।
ପ୍ରକାଶ ଥାଉକି ନିକଟରେ ତାଙ୍କ ଝିଅଙ୍କ ସୋସିଆଲ ମିଡିଆରେ ଏକ ଭିଡିଓ ସେୟାର କରି ପିତାଙ୍କ ସ୍ବାସ୍ଥ୍ୟବସ୍ଥା ବିଷୟରେ ପ୍ରଶଂସକଙ୍କୁ ସୂଚନା ଦେଇଥିଲେ।
