ଭୁବନେଶ୍ବର: ରିଲିଜ ହୋଇଛି ମନେ ମନେ ମନ ଖୋଜୁଥିଲା ଫିଲ୍ମର ଅଡିଓ । ପୂଜା ବଜାରର ମନୋରଞ୍ଜନକୁ ନେଇ ଫିଲ୍ମଟି ଅନନ୍ୟା ଇଣ୍ଟରନେଟରେ ବ୍ୟାନରରେ ତିଆରି ହୋଇଛି। ତ୍ରିକୋଣୀୟ ପ୍ରେମ କାହାଣୀକୁ ନେଇ ସିନେମା ତିଆରି ହୋଇଥିବାବେଳେ ରୋମାନ୍ସ ଓ ପାରିବାରିକ ଡ୍ରାମା ମଧ୍ୟ ରହିଛି ।
ନାୟକ ଭୂମିକାରେ ଓମ ଆଉ ନାୟିକା ଭୂମିକାରେ ପ୍ରିୟଙ୍କା ଓ ନମ୍ରତା ରହିଛନ୍ତି । ନିଦ୍ଦେର୍ଶନା ଏନ ପାଢୀ ଦେଇଥିବାବେଳେ ପ୍ରଯୋଜନାରେ ପ୍ରଭାତୀ ଆଚାର୍ଯ୍ୟ ରହିଛନ୍ତି । ବର୍ଷିଆନ କଳାକାର ଅଶ୍ରୁମୋଚନ, ମିହିର ଦାସ ମଧ୍ୟ ଏଥିରେ ଅଭିନୟ କରିଛନ୍ତି । ସିନେମାର ଗୀତ ଗୁଡିକ ବେଶ ଆକର୍ଷଣୀୟ ହୋଇଛି। ଗୀତ ଗୁଡିକ ସ୍ବରରେ ସଜେଇଛନ୍ତି ଗୀତିକାର ଓକାର ଲେଙ୍କା, ଅରୁଣ ମନ୍ତ୍ରୀ, ନିମ୍ରଳ ନାୟକ ଓ ଦୀପକ ଜେନା ।
ଜଣାଶୁଣା କଣ୍ଠଶିଳ୍ପୀ ଇରା ମହାନ୍ତି, ହ୍ୟୁମାନ ସାଗର, ବିଷ୍ଣୁ ମୋହନ ତାରିକ ଅଜିଜ, ଅନନ୍ୟା ଆଚାର୍ଯ୍ୟ ସିନେମାରେ ଗୀତ ଗାଇଥିବାବେଳେ ଦର୍ଶକଙ୍କ ବେଶ ପସନ୍ଦ ଆସିବ ବୋଲି କହିଛନ୍ତି ପ୍ରଯୋଜନା ସଂସ୍ଥା । ତେବେ ଫିଲ୍ମଟି ଆସନ୍ତା ଦଶହରାରେ ପରଦାକୁ ଆସିବ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
