ହାଇଦ୍ରାବାଦ: ସୁପରଷ୍ଟାର ଅଲ୍ଲୁ ଅର୍ଜୁନ ସାଉଥ ଇଣ୍ଡଷ୍ଟ୍ରିରେ 18 ବର୍ଷର ଯାତ୍ରା ପୂରଣ କରିଛନ୍ତି । ରବିବାର ତାଙ୍କ ଅଭିନୟ ଯାତ୍ରାକୁ 18 ବର୍ଷ ପୂରଣ ହୋଇଛି । ସେ ନିର୍ଦ୍ଦେଶକ କେ ରାଘବେନ୍ଦ୍ର ରାଓଙ୍କ 2003ରେ ଆସିଥିବା ଫିଲ୍ମ ‘ଗଙ୍ଗୋତ୍ରି’ ଜରିଆରେ ଡେବ୍ୟୁ କରିଥିଲେ । ଏହାପରେ ସେ କେବେ ପଛକୁ ବୁଲି ଚାହିଁନାହିଁ । ଗୋଟିଏ ପରେ ଗୋଟିଏ ହିଟ୍ ଫିଲ୍ମ ଦେଇଚାଲିଛନ୍ତି । 18 ବର୍ଷ ପୂରଣ ଅବସରରେ ସେ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି ।
- " class="align-text-top noRightClick twitterSection" data="
">
ସେ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରି ଲେଖିଛନ୍ତି, ‘ସମସ୍ତଙ୍କୁ ଧନ୍ୟବାଦ ଦେବାକୁ ଚାହୁଁଥିଲି ଯେଉଁମାନେ ମୋର 18 ବର୍ଷର ଯାତ୍ରାର ଏକ ଅଂଶ ହୋଇସାରିଛନ୍ତି । ମୋର ହୃଦୟ କୃତଜ୍ଞତାରେ ପରିପୂର୍ଣ୍ଣ । ବର୍ଷ ବର୍ଷ ଧରି ପାଇଥିବା ସମସ୍ତ ପ୍ରେମ ପାଇଁ ମୁଁ ପ୍ରକୃତରେ ଆଶୀର୍ବାଦ ପ୍ରାପ୍ତ । ସମସ୍ତ ଆଶୀର୍ବାଦ ପାଇଁ ଧନ୍ୟବାଦ ସହ କୃତଜ୍ଞତା ଜଣାଉଛି ।’
ପ୍ରକାଶ ଥାଉକି ଡେବ୍ୟୁ ଫିଲ୍ମ ପରେ ଅର୍ଜୁନ 2004ରେ ଆସିଥିବା ‘ଆର୍ୟା’ରେ ନଜର ଆସିଥିଲେ । ଯାହା ତାଙ୍କ କ୍ୟାରିୟରକୁ ବଡ ସଫଳତା ଯୋଗାଇଥିଲା । ଏହି ଫିଲ୍ମ ପରେ ବଢିଚାଲିଥିଲା ତାଙ୍କ ଚାହିଦା । ତାଙ୍କ ହିଟ୍ ଫିଲ୍ମ ଗୁଡିକ ହେଲା, ‘ବନ୍ନି’, ‘ହାପି’, ‘ଦେସାମୁଦୁରୁ’, ‘ପାରୁଗୁ’, ‘ଆର୍ୟା 2’, ‘ବେଦମ୍’, ‘ବାରୁଦ ଆଣ୍ଡ ବଦ୍ରିନାଥ’।
