ମୁମ୍ବାଇ: ସାବତ ଝିଅ ସହ ଡ୍ୟାନ୍ସ ଭିଡିଓ ସେୟାର କଲେ ଦିଆ ମିର୍ଜା । ଜୁଲାଇ ୧୪ରେ ଦିଆ ମିର୍ଜା ଏକ ପୁତ୍ର ସନ୍ତାନ ଜନ୍ମ ଦେଇ ଚର୍ଚ୍ଚାରେ ଥିବାବେଳେ ରବିବାର ନିଜ ସାବତ ଝିଅ ସହ ଏକ ଡ୍ୟାନ୍ସ ଭିଡିଓ ସେୟାର କରି ପୁଣି ଚର୍ଚ୍ଚାକୁ ଆସିଛନ୍ତି ।
- " class="align-text-top noRightClick twitterSection" data="
">
ଭିଡିଓରେ ଦିଆ ମିର୍ଜା ଏବଂ ତାଙ୍କ ସାବତ ଝିଅ ସମାଇରା ରେଖି ସମାନ ଡ୍ରେସ ପିନ୍ଧି ବେଶ ମସ୍ତି କରୁଥିବାର ଦେଖିବାକୁ ମିଳିଛି । ରବିବାର ଇନଷ୍ଟାଗ୍ରାମରେ ଏହି ଭିଡିଓ ସେୟାର କରି ଦିଆ ମିର୍ଜା ଲେଖିଛନ୍ତି, ସଣ୍ଡେ ସେନାନିଙ୍ଗାସ୍ ୱିଥ୍ #ମାଇ ବେଷ୍ଟି # ସଣ୍ଡେଫଣ୍ଡେ । ଭିଡିଓଟିକୁ ଫ୍ୟାନ୍ସ, ବେଶ୍ ପସନ୍ଦ କରିଛନ୍ତି ।
ଜୁଲାଇ ୧୪ରେ ଦିଆ ମିର୍ଜା ଏକ ପୁତ୍ର ସନ୍ତାନ ଜନ୍ମ ଦେଇଛନ୍ତି । ବେବି ବଏର ନାମ ‘ଅୟାନ ଏଜାଜ୍ ରେଖି’ ରଖିଛନ୍ତି । ତେବେ ଚଳିତ ବର୍ଷ ଫେବୃୟାରୀରେ ଦିଆ ଏବଂ ବୈଭବ ଦ୍ବିତୀୟ ବିବାହ କରିଥିଲେ । ଏପ୍ରିଲରେ ଦିଆ ଗର୍ଭବତୀ ଥିବା ସୂଚନା ଦେଇଥିଲେ । ପ୍ରକାଶ ଥାଉକି, ଏହା ପୂର୍ବରୁ ଦିଆ ନିଜର ବିଜନେସ୍ ପାର୍ଟନର ସାହିଲ ସଂଙ୍ଘାକୁ ବିବାହ କରିଥିଲେ । କିଛି ବର୍ଷ ପରେ ଉଭୟ ପରସ୍ପରକୁ ଛାଡପତ୍ର ଦେଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
