ମୁମ୍ବାଇ: କ୍ୟାଟ୍ରିନା କୈଫ ଏବଂ ଭିକି କୌଶଲ ଚଳିତ ମାସରେ ବିବାହ କରିଛନ୍ତି | ସେମାନଙ୍କ ବିବାହ ଆଲୋଚନା ଏପର୍ଯ୍ୟନ୍ତ ଶେଷ ହୋଇନଥିବାବେଳେ ସୋସିଆଲ ମିଡିଆରେ ଆଉ ଏକ ଫଟୋ ଭାଇରାଲ ହେଉଥିବା ଦେଖିବାକୁ ମିଳିଛି । ଯାହାକୁ ଦେଖିଲେ ସହଜରେ ବିଶ୍ବାସ କରିହେବନି । ଲୋକମାନେ ମଧ୍ୟ ପ୍ରଶ୍ନ କରୁଛନ୍ତି ଯେ କ୍ୟାଟ୍ରିନାଙ୍କୁ ଛାଡି ଭିକି କେମିତି ନିଜ ବାଇକରେ ଆଉ କାହାକୁ ବସାଇଛନ୍ତି ।
ଯଦି ଆପଣ ବି ସେମିତି ଭାବୁଥିବେ ତେବେ ଆମେ ଆପଣଙ୍କୁ କହୁଛୁ ଯେ, ଭିକି ଯାହାକୁ ବାଇକରେ ବସାଇ ବୁଲାଉଛନ୍ତି ସେ ଆଉ କେହି ନୁହନ୍ତି ବରଂ ଅଭିନେତ୍ରୀ ସାରା ଅଲ୍ଲୀ ଖାନ୍ । ମଧ୍ୟପ୍ରଦେଶର ଇନ୍ଦୋରରେ 'ଲୁକ୍କା ଚୁପି ୨'ର ସୁଟିଂ ଚାଲିଛି। ଏହି ଚଳଚ୍ଚିତ୍ରର ସୁଟିଂ ସଂପର୍କରେ ସାରା ଏବଂ ଭିକି ଗତ କିଛି ଦିନ ହେବ ଇନ୍ଦୋରରେ ଅଛନ୍ତି | ଫିଲ୍ମର ସୁଟିଂ ସହରର ବିଭିନ୍ନ ଅଞ୍ଚଳରେ କରାଯାଉଛି। ଯେଉଁଥିରେ ସରଫା, ରାଜୱାଡା, ବାଡା ରାୱଲା, ଛତରିପୁରା ଭଳି ସ୍ଥାନ ଅନ୍ତର୍ଭୁକ୍ତ ରହିଛି ।
