ମୁମ୍ବାଇ: ଛୋଟ ପରଦାର ଫେମସ ରିୟାଲିଟି ଶୋ’ ବିଗ ବସ 13ର ବିଜେତା ସିଦ୍ଧାର୍ଥ ଶୁକ୍ଲା ଓ ପ୍ରତିଯୋଗୀ ବିକାଶ ଗୁପ୍ତାଙ୍କ ମଧ୍ୟରେ ଶାନଦାର ବଣ୍ଡିଂ ଶୋ’ରେ ଦେଖିବାକୁ ମିଳିଥିଲା । ମାଷ୍ଟରମାଇଣ୍ଡ ବିକାଶ ଅନେକ ସମୟରେ ସିଦ୍ଧାର୍ଥଙ୍କୁ ସମର୍ଥନ କରିଥିଲେ। ସୋସିଆଲ ମିଡିଆରେ ମଧ୍ୟ ସେ ସିଦ୍ଧାର୍ଥଙ୍କୁ ସପୋର୍ଟ କରୁଥିବାର ମଧ୍ୟ ନଜର ଆସିଛନ୍ତି । ଇତିମଧ୍ୟରେ ଫ୍ୟାନ୍ସଙ୍କ ପାଇଁ ଏକ ଗୁଡ୍ନ୍ୟୁଜ ସାମ୍ନାକୁ ଆସିଛି । ଏବେ ଚର୍ଚ୍ଚା ଜୋର ଧରିଛି ଯେ ବିକାଶଙ୍କ ଏକ ଖାସ୍ ପ୍ରୋଜେକ୍ଟରେ ନଜର ଆସିବେ ସିଦ୍ଧାର୍ଥ।
ବିକାଶ ଇନଷ୍ଟାଗ୍ରାମ ଲାଇଭରେ ଫ୍ୟାନ୍ସଙ୍କ ସହ କଥାବାର୍ତ୍ତା ସମୟରେ ଏହି ଖବରକୁ କନଫର୍ମ କରିଥିଲେ । ଯାହାପରେ ଏହାକୁ ଶୁଣି କ୍ରେଜି ହୋଇଯାଇଛନ୍ତି ସିଦ୍ଧାର୍ଥଙ୍କ ଫ୍ୟାନ୍ସ । ତାଙ୍କ ୱେଲକମ ପାଇଁ ସୋସିଆଲ ମିଡିଆରେ ବର୍ତ୍ତମାନ #TheReturnOfSid ଟ୍ରେଣ୍ଡ କରାଇଛନ୍ତି ଫ୍ୟାନ୍ସ।
ତାଙ୍କୁ ଦୀର୍ଘ ସମୟ ପରେ ସ୍କ୍ରିନରେ ଦେଖିବାକୁ ଏକ୍ସାଇଟେଡ ଦର୍ଶକ । ହେଲେ ଏଯାବତ ଖୁଲାସା ହୋଇନାହିଁ ଯେ ବିକାଶଙ୍କ ଆଗାମୀ ପ୍ରୋଜେକ୍ଟ କିପରି ହେବ ? ଏହାବ୍ୟତୀତ ଫେମସ ଗାୟକ ଦର୍ଶନ ରାୱଲଙ୍କ ଆଗାମୀ ଗୀତ ‘ଭୁଲା ଦୁଙ୍ଗା’ରେ ସେହନାଜ ଗିଲ୍ଙ୍କ ସହ ରୋମାନ୍ସ କରୁଥିବାର ନଜର ଆସିବେ ସିଦ୍ଧାର୍ଥ । ଯାହାର ଘୋଷଣା ଇନଷ୍ଟାଗ୍ରାମରେ କରିଥିଲେ ଦର୍ଶନ।
