ହାଇଦ୍ରାବାଦ: ବିକି କୌଶଲ ବିବାହ ପରେ ପୁଣି ଥରେ ନିଜ କାମରେ ଯୋଗ ଦେଇଛନ୍ତି । ଗତ କିଛି ଦିନ ହେବ ବିକି ନିଜ ସୁଟିଂକୁ ନେଇ ସୋସିଆଲ ମିଡ଼ିଆରେ ବହୁତ ସକ୍ରିୟ ରହିବା ସହିତ ସୋସିଆଲ ମିଡିଆରେ ପ୍ରଶଂସକଙ୍କ ସହ ଯୋଡି ହୋଇଛନ୍ତି । ଚଳଚ୍ଚିତ୍ର 'ଉରି - ସର୍ଜିକାଲ୍ ଷ୍ଟ୍ରାଇକ୍' ଅଭିନେତା ଶୁକ୍ରବାର ସୋସିଆଲ ମିଡିଆରେ ନିଜର ଏକ ଫଟୋ ସେୟାର କରିଛନ୍ତି । ଏହି ଫଟୋରେ ବିକିଙ୍କର ଜବରଦସ୍ତ ବଡ଼ି ଦେଖିବାକୁ ମିଳିଛି । ତେବେ ବିବାହ ପରେ ଏପରି ଫଟୋ ସେୟାର ନ କରିବାକୁ କହିଛନ୍ତି କିଛି ଫ୍ୟାନ୍ସ ।
ଏହି ଫଟୋରେ ବିକି ପୁରା ଫିଟ ଦେଖାଯାଉଛନ୍ତି । ବିକିଙ୍କ ଏହି ହଟ୍ ଫଟୋରେ ଏପରି କମେଣ୍ଟ କରିଛନ୍ତି କିଛି ନେଟିଜେନ୍ସ । କିଛି ନେଟିଜେନ୍ସ କହିଛନ୍ତି 'ଲୁକ୍ ପୁରା ଜବରଦସ୍ତ' । ଆଉ ଜଣେ ଫ୍ୟାନ୍ସ ଲେଖିଛନ୍ତି ଯେ କ୍ୟାଟ୍ରିନା କୈଫଙ୍କ ସ୍ବାମୀ ହଟ୍ ବୋଲି କିଛି ଲେଖିଛନ୍ତି । ଏପରି ଫଟୋ ସେୟାର ନ କରିବା ପାଇଁ ମଧ୍ୟ କିଛି ଫ୍ୟାନ୍ସ କମେଣ୍ଟରେ ଲେଖିଛନ୍ତି । ବିକିଙ୍କ ଏହି ଫଟୋରେ ୩ ଘଣ୍ଟାରେ ୧୦ ଲକ୍ଷରୁ ଅଧିକ ଲାଇକ୍ସ ଥିବା ଦେଖିବାକୁ ମିଳିଛି ।
ତେବେ ସୂଚନା ଥାଉ କି ଗତ ବର୍ଷ ଡିସେମ୍ବର ୯ ତାରିଖରେ ବିକି କୌଶଲ କ୍ୟାଟ୍ରିନା କୈଫଙ୍କୁ ବିବାହ କରିଛନ୍ତି । ରାଜସ୍ଥାନର ଏକ ହୋଟେଲରେ ରାଜସ୍ଥାନୀ ପରମ୍ପରା ଅନୁସାରେ ବିବାହ ହୋଇଛି । ଏଥିରେ ଉଭୟ ପରିବାରର ଖୁବ କମ ଅତିଥି ଯୋଗ ଦେଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
