ନୂଆଦିଲ୍ଲୀ: ଭାରତୀୟ କ୍ରିକେଟର ଯୁବରାଜ ସିଂହ ଆଜି ଅନ୍ତରାଷ୍ଟ୍ରୀୟ କ୍ରିକେଟକୁ କହିଛନ୍ତି ଅଲବିଦା । ତାଙ୍କ ଅବସର ଘୋଷଣା ପରେ କୋଟି କୋଟି ଫ୍ୟାନ୍ସ ଆଶ୍ଚର୍ଯ୍ୟ ହୋଇଯାଇଛନ୍ତି । ଅନ୍ୟପଟେ ତାଙ୍କ ନିଷ୍ପତ୍ତିର ସମ୍ମାନ କରି ତାଙ୍କ ଆଗାମୀ ଜୀବନର ଶୁଭକାମନା ଜଣାଇଛନ୍ତି ଫ୍ୟାନ୍ସ ।
ଯୁବରାଜ ଏପରି କ୍ରିକେଟକୁ ଅଲବିଦା କହିବା ନିଷ୍ପତ୍ତି କେବଳ ଫ୍ୟାନ୍ସଙ୍କୁ ନୁହେଁ ବରଂ ବଲିଉଡ ଷ୍ଟାର୍ସଙ୍କୁ ମଧ୍ୟ ନିରାଶ କରିଛି । ଅନେକ ଫିଲ୍ମ ଷ୍ଟାର୍ସ ତାଙ୍କ ସନ୍ୟାସକୁ ନେଇ ଟ୍ବିଟ କରି ତାଙ୍କ ଯୋଗଦାନ ପାଇଁ ତାଙ୍କର ଧନ୍ୟବାଦ ମଧ୍ୟ ଜଣାଇଛନ୍ତି ।
ଅଭିନେତା ବରୁଣ ଧୱନ ଟ୍ବିଟ କରି ଲେଖିଛନ୍ତି, "ସବୁ ସ୍ମୃତି ପାଇଁ ଧନ୍ୟବାଦ ଯୁବରାଜ ।" ଅଭିନେତ୍ରୀ ଏବଂ ଟିମ ଇଣ୍ଡିଆ କ୍ୟାପ୍ଟେନ ବିରାଟ କୋହଲଙ୍କ ପତ୍ନୀ ଅନୁଷ୍କା ଶର୍ମା ଟ୍ବିଟରରେ ଲେଖିଛନ୍ତି, "ସ୍ମୃତି ପାଇଁ ଧନ୍ୟବାଦ ଯୁବରାଜ । ତୁମେ ଅନେକ ଲୋକଙ୍କ ପାଇଁ ଯୋଦ୍ଧା ଏବଂ ପ୍ରେରଣା ସାଜିଛି । ଜୀବନର ଆଗାମୀ ଇନିଂସ ପାଇଁ ଅନେକ ଅନେକ ଶୁଭକାମନା ।"
ସେହିପରି ଅଭିନେତା ସୁନୀଲ ସେଟ୍ଟୀ ଲେଖିଛନ୍ତି, "ଏହି ଦିନ ଦ୍ବିତୀୟଥର ଆସିବ ନାହିଁ । କାରଣ ଯୁବରାଜଙ୍କ ଭଳି ପ୍ରତିଭା ପୁଣି ଜନ୍ମ ନେବ ନାହିଁ । ଆମେ ତୁମକୁ ବହୁତ ମନେ ପକାଇବୁ, ଧନ୍ୟବାଦ ।"
ପ୍ରକାଶ ଥାଉକି 2000 ଅକ୍ଟୋବର 3ରେ ଭାରତୀୟ ଟିମ ପାଇଁ ପ୍ରଥମଥର ଖେଳିଥିବା ଯୁବରାଜ ପାଖାପାଖି 308 ୱାନଡେ ଇଣ୍ଟରନ୍ୟାସନାଲ କ୍ରିକେଟ ମ୍ୟାଚ ଖେଳି ସାରିଛନ୍ତି । ୱାନଡେ ଫର୍ମାଟରେ ଯୁବରାଜ 36.55 ଆଭରେଜରେ 8701 ରନ କରିଥିଲେ । ଯେଉଁଥିରେ ସେ 52 ଅର୍ଦ୍ଧଶତକ ଏବଂ 14 ଶତକ ସାମିଲ ଅଛି । ୱାନଡେ ଫର୍ମାଟରେ ଯୁବରାଜଙ୍କ ସର୍ବାଧିକ ସ୍କୋର 150 ରହିଛି ।
