ମୁମ୍ବାଇ: ହ୍ୟାଣ୍ଡସମ ଆକ୍ଟର ବରୁଣ ଧୱନ ନିଜ ଆଗାମୀ ଫିଲ୍ମ ‘ଷ୍ଟ୍ରିଟ ଡାନ୍ସର 3ଡି’କୁ ନେଇ ଖୁବ୍ ବ୍ୟସ୍ତ । ଆସନ୍ତା 24 ତାରିଖରେ ରିଲିଜ ହେବାକୁ ପ୍ରସ୍ତୁତ ଫିଲ୍ମ । ଆଉ ଏବେ ଫିଲ୍ମ ପ୍ରମୋଶନରେ ଲାଗିପଡିଛନ୍ତି ସେ। ପ୍ରମୋଶନ ମଧ୍ୟରୁ ସମୟ କାଢି ସେ ଭାରତୀୟ ବାୟୁ ସେନାଙ୍କ ସହ ଦିନ ବିତାଇଛନ୍ତି । ଯାହାକୁ ଶାନଦାର କହିଛନ୍ତି ବରୁଣ ।
ବରୁଣ ଧୱନ ଶୁକ୍ରବାର ଭାରତୀୟ ବାୟୁସେନାର ଅଧିକାରୀଙ୍କ ସହ ସମୟ ବିତାଇବାର ଫଟୋ ଟ୍ବିଟରରେ ସେୟାର କରିଥିଲେ । ଯାହାର କ୍ୟାପସନରେ ସେ ଲେଖିଛନ୍ତି, ‘ମୁଁ ଭାରତ ବାୟୁସେନାଙ୍କ ସହ ଶାନଦାର ଦିନ ବିତାଇଛି । ଏହା ମୋ ଜୀବନର ସବୁଠାରୁ ଭଲ ଅନୁଭବ । ମୁଁ ସେହି ପୁରୁଷ ଓ ମହିଳାଙ୍କ ନିକଟରେ ଋଣୀ। ଯିଏ ଆମ ଦେଶର ସେବା ଦିନରାତି କରୁଛନ୍ତି । ଆପଣଙ୍କ ଧନ୍ୟବାଦ, ଜୟ ହିନ୍ଦ।’
ରେମୋ ଡିସୁଜାଙ୍କ ନିର୍ଦ୍ଦେଶିତ ‘ଷ୍ଟ୍ରିଟ ଡାନ୍ସର 3ଡି’ରେ ବରୁଣଙ୍କ ସହ ସୁନ୍ଦରୀ ଶ୍ରଦ୍ଧା କପୁର, ନୋରା ଫତେହୀ ଓ ପ୍ରଭୁ ଦେବା ମୁଖ୍ୟ ଭୂମିକାରେ ନଜର ଆସିବେ । ନିକଟରେ ରିଲିଜ ହୋଇଥିବା ଫିଲ୍ମର ଦମଦାର ଟ୍ରେଲର ଓ ‘ଦୁଆ’ ଗୀତକୁ ଖୁବ୍ ପସନ୍ଦ କରିଛନ୍ତି ଦର୍ଶକେ। ବର୍ତ୍ତମାନ ଫିଲ୍ମକୁ ନେଇ ଏକ୍ସାଇଟେଡ ଫ୍ୟାନ୍ସ।
