ମୁମ୍ବାଇ: ବରୁଣ ଧୱନ ଓ ଶ୍ରଦ୍ଧା କପୁରଙ୍କ ଚର୍ଚ୍ଚିତ ଫିଲ୍ମ ‘ଷ୍ଟ୍ରିଟ ଡାନ୍ସର 3ଡି’ ଦେଖିବାକୁ ବ୍ୟାକୁଳ ଦର୍ଶକ । ମେକର୍ସ ମଧ୍ୟ ଧିରେ ଧିରେ ଫିଲ୍ମର ଗୀତ ରିଲିଜ କରିବାକୁ ଲାଗିଛନ୍ତି । ଯାହାକୁ ନେଇ ଦର୍ଶକଙ୍କ ଏକ୍ସାଇଟମେଣ୍ଟ ବଢିଚାଲିଛି । ଇତିମଧ୍ୟରେ ଫିଲ୍ମର ଦମଦାର ଡାନ୍ସ ଟ୍ରାକ ରିଲିଜ ହୋଇଯାଇଛି । ବରୁଣ, ଶ୍ରଦ୍ଧା ଓ ବେଲୀ ଡାନ୍ସର ନୋରା ଫତେହୀଙ୍କ ଶାନଦାର ଡାନ୍ସ ‘ଲଗଦି ଲାହୋର ଦି’ ଗୀତରେ ଦେଖିବାକୁ ମିଳୁଛି । ଯାହା ଦର୍ଶକଙ୍କ ମନ କିଣିବାରେ ସଫଳ ହୋଇଛି ।
- " class="align-text-top noRightClick twitterSection" data="">
ଫେମସ ସିଙ୍ଗର ଗୁରୁ ରନ୍ଧାୱାଙ୍କ ସୁପରହିଟ୍ ସଙ୍ଗକୁ ‘ଷ୍ଟ୍ରିଟ ଡାନ୍ସର 3ଡି’ରେ ରିକ୍ପିଏଟ କରାଯାଇଛି । ଗୀତରେ ବରୁଣ କେତେବେଳେ ଶ୍ରଦ୍ଧାଙ୍କ ସହ ଡାନ୍ସ କରୁଛନ୍ତି ତ ଆଉ କେତେବେଳେ ନୋରାଙ୍କ ସହ ନଜର ଆସୁଛନ୍ତି । ବର୍ତ୍ତମାନ ଏହି ଗୀତ ୟୁଟ୍ୟୁବରେ ମଧ୍ୟ ଟ୍ରେଣ୍ଡ କରିବାରେ ଲାଗିଛି ।
ପ୍ରକାଶ ‘ଲଗଦି ଲାହୋର ଦି’ ରିକ୍ରିଏଟ ଭର୍ସନକୁ ମଧ୍ୟ ଗୁରୁ ରନ୍ଧାୱା ଓ ତୁଲସୀ କୁମାର । ସେହିପରି ଗୀତରେ ଜବରଦସ୍ତ ମ୍ୟୁଜିକ ତଡକା ଲଗାଇଛନ୍ତି ସଚିନ-ଜିଗର । ରିଲିଜର କିଛି ଘଣ୍ଟା ମଧ୍ୟରେ ୟୁଟ୍ୟୁବରେ ଗୀତକୁ 4 ଲକ୍ଷ 78 ହଜାରରୁ ଅଧିକଥର ଦେଖାସରିଲାଣି ।
‘ଷ୍ଟ୍ରିଟ ଡାନ୍ସର 3ଡି’ 2013ରେ ଆସିଥିବା ‘ଏବିସିଡି’ର ତୃତୀୟ ସିରିଜ । ଏହାର ଦ୍ବିତୀୟ ଭାଗ 2015ରେ ରିଲିଜ ହୋଇଥିଲା । ଡାନ୍ସ ଆଧାରିତ ଏହି ଫିଲ୍ମର ନିର୍ଦ୍ଦେଶନା ଫେମସ କୋରିଓଗ୍ରାଫର ତଥା ନିର୍ଦ୍ଦେଶକ ରେମୋ ଡିସୁଜା କରିଛନ୍ତି । ଏହି ଫିଲ୍ମ ଟି-ସିରିଜ ବ୍ୟାନରରେ ରିଲିଜ ହେବ । ଏମାସ 24 ତାରିଖରେ ସିନେମାଘରେ ଫିଲ୍ମ ଦେଖିପାରିବେ ଦର୍ଶକ ।
