ମୁମ୍ବାଇ: ଫିଲ୍ମ ନିର୍ମାତା କରନ ଜୋହରଙ୍କ ବହୁ ଚର୍ଚ୍ଚିତ ମଲ୍ଟି ଷ୍ଟାରର ଫିଲ୍ମ 'କଲଙ୍କ'କୁ ନେଇ ଦର୍ଶକଙ୍କ ମଧ୍ୟରେ ଖୁବ୍ ଉତ୍ସାହ ଦେଖିବାକୁ ମିଳୁଛି । ଫିଲ୍ମଟି ରିଲିଜ ହେବାକୁ ପ୍ରସ୍ତୁତ ହୋଇସାରିଲାଣି । ରିଲିଜ ପୂର୍ବରୁ ଦର୍ଶକଙ୍କ ଏକ୍ସାଇଟମେଣ୍ଟ ବଢାଇବା ପାଇଁ ଫିଲ୍ମ ମେକର୍ସ ପ୍ରାୟତଃ ଫିଲ୍ମର ନୂଆ ନୂଆ ପୋଷ୍ଟର ରିଲିଜ କରିବାରେ ଲାଗିଛନ୍ତି । ଇତିମଧ୍ୟରେ ଫିଲ୍ମର ଏକ ଶାନଦାର ଗୀତ 'ଘର ମେରେ ପରଦେସିୟା' ରିଲିଜ ହୋଇଯାଇଛି ।
ଗୀତଟିରେ ଧକ୍ ଧକ୍ ଗର୍ଲ ମାଧୁରୀ ଦୀକ୍ଷିତ ଗୀତ ଗାଇବା ସହ କଥକ ଶିଖାଉଥିବାର ନଜର ଆସୁଛନ୍ତି । ମାଧୁରୀଙ୍କ ବ୍ୟତୀତ କ୍ୟୁଟ ଅଭିନେତ୍ରୀ ଆଲିୟା ଭଟ୍ଟ ଓ ବରୁଣ ଧୱନ ମଧ୍ୟ ଗୀତରେ ଦେଖାଯାଇଛନ୍ତି ।
ଲୋକପ୍ରିୟ ଗାୟିକା ଶ୍ରେୟା ଘୋଷାଲ ଓ ବୈଶାଲୀ ମାଡେ ଗୀତଟିକୁ ଏକାଠି ଗାଇଥିବାବେଳେ ଏହାର ମ୍ୟୁଜିକ ପ୍ରୀତମ ଦେଇଛନ୍ତି । ସେହିପରି ଗୀତଟିକୁ ଲେଖିଛନ୍ତି ଅମିତାଭ ଭଚ୍ଚାଚାର୍ଯ୍ୟ । ଗୀତଟି ଶାନଦାର ହେବା ସହ ଆଲିୟାଙ୍କ ଡାନ୍ସ ମଧ୍ୟ ଖୁବ୍ ମନଲୋଭା ହୋଇଛି । ଫେମସ କୋରିଓଗ୍ରାଫର ରେମୋ ଡିସୁଜା ଏହି ଗୀତର କୋରିଓଗ୍ରାଫ କରିଛନ୍ତି ।
ପ୍ରକାଶ ଥାଉକି କଲଙ୍କରେ ବରୁଣ, ଆଲିୟା ଓ ମାଧୁରୀଙ୍କ ବ୍ୟତୀତ ଅଭିନେତା ସଞ୍ଜୟ ଦତ୍ତ, ଆଦିତ୍ୟ ରାୟ କପୁର, ସୋନାକ୍ଷୀ ସିହ୍ନା ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । କିଛି ଦିନ ପୂର୍ବରୁ ଫିଲ୍ମର ଟିଜର ରିଲିଜ ହୋଇଥିଲା । ଯାହାକୁ ଦର୍ଶକ ଖୁବ୍ ପସନ୍ଦ ମଧ୍ୟ କରିଛନ୍ତି । ତେବେ ଏହା ଦେଖିବାକୁ ବାକି ରହିଲା କି ଫିଲ୍ମ ହିଟ୍ ସାବ୍ୟସ୍ତ ହେବ କି ନାହିଁ ।
- " class="align-text-top noRightClick twitterSection" data="">
