ମୁମ୍ବାଇ: ଅଭିନେତ୍ରୀ ବାଣୀ କପୁର ନିଜ ବୋଲ୍ଡ ଅନ୍ଦାଜ ପାଇଁ ଫ୍ୟାନ୍ସଙ୍କ ମଧ୍ୟରେ ପପୁଲାର । ନିକଟରେ ତାଙ୍କ ସହ କିଛି ଏମିତି ହୋଇଛି, ଯାହାକୁ ନେଇ ସେ ଖୁବ୍ ଡରିଯାଇଛନ୍ତି । ବାଣୀଙ୍କୁ ନେଇ ଏକ ଖବର ସାମ୍ନାକୁ ଆସିଛି ଯେ, ବିଳମ୍ବିତ ରାତିରେ ସେ ନିଜ କାର ଦ୍ବାରା କୌଣସି ଏକ ସ୍ଥାନକୁ ଯାଇଥିବା ବେଳେ ତାଙ୍କର ଜଣେ ଫ୍ୟାନ ତାଙ୍କୁ ପିଛା କରିଥିଲେ । ସେହି ଫ୍ୟାନଙ୍କ ବ୍ୟବହାରରେ ବାଣୀ ଭୟଭୀତ ହୋଇ ପୋଲିସ ଷ୍ଟେସନରେ ପହଞ୍ଚି ଯାଇଥିଲେ । ଏହାପରେ ପୋଲିସ ତାଙ୍କୁ ସୁରକ୍ଷିତ ରୂପେ ଘରେ ପହଞ୍ଚାଇଥିଲେ ।
କଥାଟି ହେଲା କି ବାଣୀଙ୍କ ଚିନ୍ତା ସେହି ସମୟରେ ବଢିଯାଇଥିଲା ଯେତେବେଳେ ସେ ଭାର୍ସୋଭାରୁ ବାନ୍ଦ୍ରା ଯାତ୍ରା କରୁଥିଲେ । ସେହି ସମୟରେ ଜଣେ ଫ୍ୟାନ ବାଇକ ନେଇ ତାଙ୍କ ପିଛା କରିବାରେ ଲାଗିଯାଇଥିଲା । ଖାଲି ଏତିକି ନୁହେଁ ଏହାପରେ ବାଣୀ ବ୍ରାନ୍ଦାରୁ ଭାର୍ସୋଭା ଫେରିଲା ବେଳେ ମଧ୍ୟ ସେହି ଫ୍ୟାନ ପୁଣି ପିଛା କରିବା ଆରମ୍ଭ କରିଦେଇଥିଲା ।
ସେହି ପାଗଳ ଫ୍ୟାନ ଠାରୁ ନିଜକୁ ବଞ୍ଚାଇବାକୁ ଯାଇ ବାଣୀ ନିଜ ଡ୍ରାଇଭରକୁ ଭାର୍ସୋଭା ପୋଲିସ ଷ୍ଟେସନକୁ ନେବାକୁ କହିଥିଲେ । ଏହାସହ ସେ ପୋଲିସ ଷ୍ଟେସନରେ ସେହି ବ୍ୟକ୍ତି ବିରୋଧରେ ଅଭିଯୋଗ ଦାଖଲ କରିଛନ୍ତି ।
