ମୁମ୍ବାଇ: ହ୍ୟାଣ୍ଡସମ ଆକ୍ଟର ସୋନୁ ସୁଡ ଲକଡାଉନରେ ମହାନ କାର୍ଯ୍ୟ କରି ସବୁ ମହଲରୁ ପ୍ରଶଂସା ସାଉଁଟିବାରେ ଲାଗିଛନ୍ତି। ସେ ଗତ କିଛି ଦିନ ହେବ ମୁମ୍ବାଇରେ ଫସି ରହିଥିବା ପ୍ରବାସୀ ଶ୍ରମିକଙ୍କୁ ତାଙ୍କ ଘରକୁ ପଠାଇବା ପାଇଁ କାର୍ଯ୍ୟ କରିଆସୁଛନ୍ତି। ସବୁ ସ୍ଥାନରେ ସୋନୁଙ୍କ ଏହି ଅଭିଯାନ ଉପରେ ଚର୍ଚ୍ଚା ଚାଲିଛି। କେବଳ ଏତିକି ନୁହେଁ, ସେ ସୋସିଆଲ ମିଡିଆରେ ଏକ ନମ୍ବର ଜାରି କରିଦେଇଛନ୍ତି। ଯେଉଁଥିରେ କେହି ଫୋନ କରି ତାଙ୍କୁ ସାହାଯ୍ୟ ମାଗିପାରିବେ। ହେଲେ ଏହି ସମୟରେ ତାଙ୍କ ସହ ୟୁଜର୍ସ ମଜାକ କରୁଥିବାର ନଜର ଆସୁଛନ୍ତି ।
ଜଣେ ୟୁଜର ସୋନୁଙ୍କ ଏକ ଟ୍ବିଟରେ ଟ୍ୟାଗ କରି କହିଛନ୍ତି, ‘ସୋନୁ ଭୈୟା ଥରେ ମତେ ମୋ ଗାର୍ଲଫ୍ରେଣ୍ଡଙ୍କ ସହ ସାକ୍ଷାତ କରାଇଦିଅନ୍ତୁ।’ ସେପଟେ ସୋନୁ ମଧ୍ୟ ମଜାଦାର ଅନ୍ଦାଜରେ ଜବାବ ଦେଇ କହିଛନ୍ତି, ‘କିଛି ଦିନ ଦୂରରେ ରହି ଦେଖନ୍ତୁ । ପ୍ରକୃତ ପ୍ରେମର ପରୀକ୍ଷା ମଧ୍ୟ ହୋଇଯିବ।’
ପ୍ରକାଶ ଥାଉକି ଏମିତି ପ୍ରଥମଥର ସୋନୁଙ୍କ ସହ ହୋଇନାହିଁ । ଏହାପୂର୍ବରୁ ମଧ୍ୟ ଜଣେ ୟୁଜର ତାଙ୍କୁ ମଦ ଭାଟି ପର୍ଯ୍ୟନ୍ତ ପହଞ୍ଚେଇ ଦେବାକୁ କହିଥିଲେ।
