ମୁମ୍ବାଇ: ମିସ୍ ୟୁନିଭର୍ସ 2015 ପ୍ରତିଯୋଗିତାରେ ଭାରତର ପ୍ରତିନିଧିତ୍ବ କରିଥିବା ବଲିଉଡ ଅଭିନେତ୍ରୀ ଉର୍ବଶୀ ରୌତେଲା ଅଭିନୟର ନୂତନ ଶୈଳୀ ଶିଖିବାକୁ ଏବଂ ଏହାକୁ ପରଦାରେ ଚେଷ୍ଟା କରିବାକୁ ମଧ୍ୟ ପ୍ରସ୍ତୁତ ଅଛନ୍ତି ।
ସେ ନିଜକୁ ଏହି ପ୍ରସଙ୍ଗରେ ବହୁତ ଉତ୍ସାହିତ ବୋଲି କହିଛନ୍ତି ।
ଉର୍ବଶୀ 2013 ଚଳଚ୍ଚିତ୍ର 'ସିଂହ ସାବ ଦ ଗ୍ରେଟ୍' ରେ ବଲିଉଡରେ ଡେବ୍ୟୁ କରିଥିଲେ । ପରେ ସେ 'ସନମ୍ ରେ', 'ଗ୍ରେଟ୍ ଗ୍ରାଣ୍ଡ୍ ମସ୍ତି' ଏବଂ 'ପାଗଲପନ୍ତି' ଭଳି ବହୁ ଚଳଚ୍ଚିତ୍ରରେ ଅଭିନୟ କରିଛନ୍ତି ।
ନିକଟରେ ଉର୍ବଶୀ IANSକୁ କହିଛନ୍ତି, ଜଣେ କଳାକାର ଏବଂ ଅଭିନେତ୍ରୀ ଭାବରେ ଅଭିନୟର ନୂତନ ଶୈଳୀକୁ ଶିଖିବା ସହିତ ଏହାକୁ ପରୀକ୍ଷଣ କରିବା ବହୁତ ଭଲ ଅଟେ । ତେଣୁ ମୁଁ ଏହାକୁ ପରଦାରେ ଚେଷ୍ଟା କରିବାକୁ ବହୁତ ଉତ୍ସାହିତ ଏବଂ ପ୍ରସ୍ତୁତ ଅଛି ।
ଆଗାମୀ ସମୟରେ, ଉର୍ବଶୀଙ୍କ ଆଗାମୀ ଫିଲ୍ମ @ଭର୍ଜିନ ଭାନୁପ୍ରିୟା ଖୁବଶୀଘ୍ର ଓଟିଟି ପ୍ଲାଟଫର୍ମରେ ରିଲିଜ ହେବାକୁ ଯାଉଛି । ଡିଜିଟାଲ୍ ପ୍ଲାଟଫର୍ମରେ ଫିଲ୍ମ ଦେଖିବାର ଅଭିଜ୍ଞତା ଥିଏଟରରେ ଦେଖିବା ଠାରୁ କମ୍ ହେବ ନାହିଁ ବୋଲି ସେ ତାଙ୍କ ପ୍ରଶଂସକଙ୍କୁ ଆଶ୍ୱାସନା ଦେଇଛନ୍ତି ।
ଏହା ସହିତ ଉର୍ବଶୀ ହିଟ୍ ତାମିଲ ଚଳଚ୍ଚିତ୍ର 'ଥିରୁଟୁ ପାଏଲେ'ର ରିମେକରେ ମଧ୍ୟ ନଜର ଆସିବେ । ଏହି ଚଳଚ୍ଚିତ୍ରଟିକୁ ବାରଣାସୀ ଏବଂ ଲକ୍ଷ୍ନୌରେ ସୁଟିଂ କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
