ନୂଆଦିଲ୍ଲୀ: ବିବାଦ ସହ ସବୁବେଳେ ଜଡିତ ରୁହନ୍ତି ଅଭିନେତ୍ରୀ କଙ୍ଗନା ରଣାୱତ । ସେ ସୋସିଆଲ ମିଡିଆରେ ବେଶ ଆକ୍ଟିଭ ରହିଥାନ୍ତି ।
ମଙ୍ଗଳବାର ଦିନ ହଲିଉଡ ପପ୍ ଗାୟିକା, ଅଭିନେତ୍ରୀ ରିହାନା ଭାରତରେ ଚାଲିଥିବା କୃଷକ ଆନ୍ଦୋଳକୁ ସମର୍ଥନ ଜଣାଇଥିଲେ। ରିହାନାଙ୍କ ଟ୍ବିଟର କିଛି ସମୟ ପରେ କଙ୍ଗନା ସୋସିଆଲ ମିଡିଆରେ ତାଙ୍କୁ ମୂର୍ଖ ବୋଲି କହି ତାଙ୍କର ବିରୋଧ କରିଥିଲେ । କଙ୍ଗନା ଏହା ମଧ୍ୟ କହିଥିଲେ ଯେ ବିରୋଧ କରିଥିବା କୃଷକମାନେ ଆତଙ୍କବାଦୀ । ଯାହାକୁ ନେଇ କଙ୍ଗନା ବେଶ ଚର୍ଚ୍ଚାରେ ଥିଲେ ।
ତେବେ ଟ୍ବିଟର ବର୍ତ୍ତମାନ କଙ୍ଗନାଙ୍କ କିଛି ଟ୍ବିଟସକୁ ଡିଲିଟ କରିଦେଇଛି ।
ଟ୍ବିଟରର କହିଛି ଯେ, କଙ୍ଗନାଙ୍କ ଟ୍ବିଟ୍ ଟ୍ବିଟରର ନିୟମକୁ ଉଲ୍ଲଘଂନ କରିଛି ତେଣୁ ତାଙ୍କ 'ଆପତ୍ତିଜନକ' ଟ୍ବିଟସକୁ ଡିଲିଟ କରାଯାଇଛି ।
ଖାଲି ଏତିକି ନୁହେଁ ଏହି କୃଷକ ଆନ୍ଦୋଳନ ପାଇଁ କଙ୍ଗନା ଗତ ବର୍ଷ ମଧ୍ୟ ପଞ୍ଜାବୀ ଗାୟକ ତଥା ଅଭିନେତା ଦିଲଜିତ ଦୋସାଞ୍ଝଙ୍କ ସହ ଯୁକ୍ତିତର୍କ କରିଥିଲେ । ଏଯାବତ ଦୁଇଜଣଙ୍କ ବିବାଦ ଶେଷ ହୋଇନାହିଁ ।
