ମୁମ୍ବାଇ: ଖିଲାଡି ଅକ୍ଷୟ କୁମାରଙ୍କ ପତ୍ନୀ ତଥା ଅଭିନେତ୍ରୀ ଟ୍ବିଙ୍କଲ ଖାନ୍ନା ସବୁବେଳେ ସୋସିଆଲ ମିଡିଆରେ ଆକ୍ଟିଭ ରୁହନ୍ତି । ସାମାଜିକ ଓ ରାଜନୈତିକ ପ୍ରସଙ୍ଗରେ ସେ ନିଜ ମତ ରଖିବାକୁ କେବେ ମଧ୍ୟ ପଛ ଘୁଞ୍ଚା ଦିଅନ୍ତି ନାହିଁ । ନିଜର ମଜାକ ଉଡାଇବା ଓ ବ୍ୟକ୍ତିଗତ ଜୀବନ ସହ ସମ୍ପୃକ୍ତ ଥିବା ଅନେକ କାହାଣୀ ସେ ପ୍ରଶଂସକଙ୍କ ସହ ସେୟାର କରିବାକୁ ଭଲ ପାଆନ୍ତି । ଯାହାପାଇଁ ସେ ଅନେକଥର ଚର୍ଚ୍ଚାରେ ଆସିସାରିଲେଣି ।
- " class="align-text-top noRightClick twitterSection" data="View this post on Instagram
Considering my son has saved my number as ‘Police’ on his phone I suppose this is rather apt :)
">
ବୁଧବାର ଏମିତି କିଛି ଦେଖିବାକୁ ମିଳିଛି । ସେ ଏକ ଫଟୋ ଇନଷ୍ଟାଗ୍ରାମରେ ସେୟାର କରିଛନ୍ତି । ଯେଉଁଥିରେ ତାଙ୍କ ପଛରେ ଏକ ପୋଲିସ ଗାଡି ଥିବାର ନଜର ଆସୁଛି । ଫଟୋ ସହ ଟ୍ବିଙ୍କଲ ନିଜ ଲାଡଲା ଆରବଙ୍କ ବିଷୟରେ ଏମିତି ସୂଚନା ଦେଇଛନ୍ତି ଯାହା ଶୁଣି ଫ୍ୟାନ୍ସ ଆଶ୍ଚର୍ଯ୍ୟ ହେବା ସହ ଖୁବ୍ ହସିଛନ୍ତି ମଧ୍ୟ ।
ସେ ଜଣାଇଛନ୍ତି ଯେ ଆରବ ତାଙ୍କ ନାମ ଫୋନରେ ପୋଲିସ ନାମରେ ସେଭ କରିଛନ୍ତି । ଯାହାପାଇଁ ତାଙ୍କ ଏହି ନୂଆ ଫଟୋ ପରଫେକ୍ଟ ବସୁଛି । ଟ୍ବିଙ୍କଲଙ୍କ ଏହି ପୋଷ୍ଟରେ ଜଣେ ୟୁଜର କମେଣ୍ଟ କରି ଲେଖିଛନ୍ତି, ‘ଯଦି ଆପଣଙ୍କ ନାମ ପୋଲିସ ନାମରେ ସେଭ ହୋଇଛି ତେବେ ଏହି ଫଟୋ ଏକଦମ ପରଫେକ୍ଟ।’
ସେହିପରି ଆଉ ଜଣେ ୟୁଜର ଲେଖିଛନ୍ତି, ‘ଆପଣ ପୁଅଙ୍କୁ କୁହନ୍ତୁ ପୋଲିସ ସ୍ଥାନରେ ଆପଣଙ୍କ ନାମ ସୁପ୍ରିମକୋର୍ଟ ରଖନ୍ତୁ । ଆଉ ପିତାଙ୍କ ନାମ ହାଇକୋର୍ଟ ନାମରେ ସେଭ କରନ୍ତୁ ।’
