ମୁମ୍ବାଇ: ଅଭିନେତ୍ରୀ ତଥା ସୁପରଷ୍ଟାର ଅକ୍ଷୟ କୁମାରଙ୍କ ପତ୍ନୀ ଟ୍ବିଙ୍କଲ ଖାନ ଦୀର୍ଘ ସମୟରୁ ଫିଲ୍ମଠୁ ଦୂରେଇ ଅଛନ୍ତି । ହେଲେ ସୋସିଆଲ ମିଡିଆରେ ସକ୍ରିୟ ରହିବା ସହ ଏବେ ସେ ଜଣେ ଲେଖିକା ରୂପେ କାମ କରୁଛନ୍ତି। ଏହାବ୍ୟତୀତ ସେ ନିଜ କଡା ଜବାବ ପାଇଁ ମଧ୍ୟ ସବୁବେଳେ ଚର୍ଚ୍ଚାରେ ଆସନ୍ତି। ଏମିତି କିଛି ସେହି ସମୟରେ ଦେଖିବାକୁ ମିଳିଥିଲା ଯେବେ ଟ୍ବିଙ୍କଲ ନିର୍ମାତା କରନ ଜୋହରଙ୍କ ଫେମସ ଟକ ଶୋ ‘କଫି ୱିଥ କରନ’ରେ ପହଞ୍ଚିଥିଲେ। ଯାହାର ଭିଡିଓ ସେ ନିଜ ସୋସିଆଲ ମିଡିଆରେ ମଧ୍ୟ ସେୟାର କରି ଚର୍ଚ୍ଚାରେ ଆସିଥିଲେ।
କରନଙ୍କ ପ୍ରଶ୍ନରେ ଅନ୍ୟ ସେଲିବ୍ରିଟି ସହଜରେ ଫସି ଯାଆନ୍ତି। ହେଲେ ଟ୍ବିଙ୍କଲଙ୍କ ସହ ଏମିତି ହୋଇନଥିଲା । ସେ କରନଙ୍କୁ ପ୍ରଶ୍ନ ପଚାରି ଫସାଇ ଦେଇଥିଲେ। ସେପଟେ କରନ ତାଙ୍କ ପ୍ରଶ୍ନର ଉତ୍ତର ଦେବାକୁ ପଛ ଘୁଞ୍ଚା ଦେଇଥିଲେ। ସେ ସ୍ବାମା ଅକ୍ଷୟଙ୍କ ସହ ଶୋରେ ପହଞ୍ଚିଥିଲେ।
ରାପିଡ ଫାୟର ରାଉଣ୍ଡରେ କରନ ତାଙ୍କୁ ପ୍ରଶ୍ନ କରିଥିଲେ ଯେ ସଲମାନ ଖାନ, ଶାହରୁଖ ଖାନ ଓ ଆମୀର ଖାନଙ୍କ ମଧ୍ୟରେ କିଏ କୁଲ ଆକ୍ଟର। ଏହା ଉପରେ ଟ୍ବିଙ୍କଲ ଜବାବ ଦେଇ କହିଥିଲେ ଆପଣ ଆଉ ଏକ ଖାନ, ଫୱାଦ ଖାନଙ୍କୁ କାହିଁକି ଏହି ନାମରେ ଯୋଡୁନାହାଁନ୍ତି । ଆଉ ଏହାର ଜବାବ ଆପଣଙ୍କୁ ଦେବାର ଅଛି। ଏବେ କୁହ ତୁମର ପସନ୍ଦୀୟ ଖାନ କିଏ ? ଆପଣ ବି ଦେଖନ୍ତୁ ଏହି ମଜାଦାର ଭିଡିଓ...
- " class="align-text-top noRightClick twitterSection" data="
">
ପ୍ରକାଶ ଥାଉକି ଟ୍ବିଙ୍କଲ ଏମିତି ପ୍ରଶ୍ନ କରିବାର ପଛର କାରଣ ହେଲା ଯେ ଶୋ ଯେତେବେଳେ ପ୍ରସାରଣ ହୋଇଥିଲା । ସେହି ସମୟରେ କରନ ନିଜ ରୋମାଣ୍ଟିକ ଡ୍ରାମା ଫିଲ୍ମ ‘ଏ ଦିଲ ହେ ମୁସକିଲ’ରେ ପାକିସ୍ତାନ ଅଭିନେତା ଫୱାଦଙ୍କୁ କାଷ୍ଟ କରିଥିଲେ । ଯାହା ଉପରେ ଅନେକ ବିବାଦ ହୋଇଥିଲା।
