ବୟଫ୍ରେଣ୍ଡ ସହ ଅଙ୍କିତାଙ୍କ ରୋମାଣ୍ଟିକ ପୋଜ୍

ପୁଣି ଭାଇରାଲ ଅଙ୍କିତାଙ୍କ ଥ୍ରୋବ୍ୟାକ ଫଟୋ । ଏଥର ସେ ବିକିଙ୍କ ସହ ଗୋଆ ଯିବାକୁ ନେଇ ଉତ୍ସାହିତ ଅଛନ୍ତି । ତାଙ୍କ ଏହି ରୋମାଣ୍ଟିକ ଫଟୋରେ କମେଣ୍ଟ କରିବାରେ ଲାଗିଛନ୍ତି ଫ୍ୟାନ୍ସ ।

ଫଟୋ ସୌଜନ୍ୟ: ଇନଷ୍ଟାଗ୍ରାମ@ଅଙ୍କିତା ଲୋଖଣ୍ଡେ

Published : Dec 25, 2020, 8:16 AM IST

ମୁମ୍ବାଇ: ଟେଲି ଅଭିନେତ୍ରୀ ତଥା ସୁଶାନ୍ତ ସିଂ ରାଜପୁତଙ୍କ ଏକ୍ସଗାର୍ଲଫ୍ରେଣ୍ଡ ଅଙ୍କିତା ଲୋଖଣ୍ଡେ ନିକଟରେ ନିଜର 36ତମ ଜନ୍ମଦିନ ଧୁମଧାମରେ ପାଳନ କରିଥିଲେ । ହେଲେ ତାଙ୍କ ଏହି ଅନ୍ଦାଜ ଦେଖି ସୋସିଆଲ ମିଡିଆରେ ରାଗିଯାଇଥିଲେ ସୁଶାନ୍ତଙ୍କ ଫ୍ୟାନ୍ସ । କାରଣ ସମସ୍ତଙ୍କ ଅନୁଯାୟୀ ସେ କିପରି ସୁଶାନ୍ତଙ୍କ ମୃତ୍ୟୁକୁ ଏତେ ସହଜରେ ଭୁଲି ପାର୍ଟି କରିପାରୁଛନ୍ତି । ଯାହାପରେ ତାଙ୍କୁ ସମାଲୋଚନା କରି ସମସ୍ତେ ଟ୍ରୋଲ କରିବା ଆରମ୍ଭ କରିଦେଇଥିଲେ । ଏହାର କଡା ଜବାବ ଦେବା ପରେ ଏବେ ଅଙ୍କିତା ପୁଣି ସୋସିଆଲ ମିଡିଆରେ ଚହଳ ସୃଷ୍ଟି କରିଛନ୍ତି ।

କଥାଟି ହେଲା ଯେ ସେ କଥିତ ବୟଫ୍ରେଣ୍ଡ ବିକି ଜୈନ ଓ ପରିବାର ସହ ନିଜର କିଛି ପୁରୁଣା ଫଟୋ ପୋଷ୍ଟ କରି ଚର୍ଚ୍ଚାରେ । ବର୍ତ୍ତମାନ ଭାଇରାଲ ହେଉଥିବା ତାଙ୍କ ଫଟୋରେ ଦେଖିବାକୁ ମିଳୁଛି ସେ ବିକିଙ୍କ କୋଳରେ ବସିଥିବାର । ଆଉ ପରିବାର ଲୋକଙ୍କ ସହ ଗୋଆରେ ଏନଜୟ ମଧ୍ୟ କରିଥିଲେ ।

ଗୁରୁବାର ଏହାକୁ ସେୟାର କରି ସେ କ୍ୟାପସନରେ ଲେଖିଥିଲେ, ‘ଆମେ ପୁରା ଫ୍ୟାମିଲି ପୁଣିଥରେ ଗୋଆ ଯିବାକୁ ନେଇ ଉତ୍ସାହିତ ଅଛୁ ।’ ତାଙ୍କ ଏହି ଫଟୋ ଦେଖି ସୁଶାନ୍ତଙ୍କ ଫ୍ୟାନ୍ସ ପୁଣି ରାଗିଯାଇଥିବା ବେଳେ ତାଙ୍କ ପ୍ରଶଂସକ ଖୁବ୍ ପ୍ରଶଂସା କରିବାରେ ଲାଗିଛନ୍ତି । ଆପଣ ବି ଦେଖନ୍ତୁ ଫଟୋ...