ମୁମ୍ବାଇ: ଆକ୍ସନ ଷ୍ଟାର ଟାଇଗର ଶ୍ରଫଙ୍କ ପୁଣି ଦେଖିବାକୁ ମିଳିବ ଦମଦାର ଆକ୍ସନ ଷ୍ଟଣ୍ଟ । ନିଜ ଡେବ୍ୟୁ ଫିଲ୍ମ ‘ହିରୋପନ୍ତୀ’ର ସିକ୍ବେଲକୁ ନେଇ ଦୀର୍ଘ ସମୟରୁ ଚର୍ଚ୍ଚାରେ ଅଭିନେତା । ମଙ୍ଗଳବାର ନିଜ 31ତମ ଜନ୍ମଦିନ ପାଳନ କରି ଫ୍ୟାନ୍ସଙ୍କୁ ଦେଇଛନ୍ତି ସରପ୍ରାଇଜ । କାରଣ ସେ ଜନ୍ମଦିନ ଅବସରରେ ଘୋଷଣା କରିଛନ୍ତି ‘ହିରୋପନ୍ତୀ 2’ର ରିଲିଜ ତାରିଖ । ଏହାସହ ଜାରି ହୋଇଯାଇଛି ଫିଲ୍ମର ନୂଆ ପୋଷ୍ଟର।
ଇନଷ୍ଟାଗ୍ରାମରେ ପୋଷ୍ଟର ସେୟାର କରି ସେ ଲେଖିଛନ୍ତି, ‘ମୋର ପ୍ରଥମ ପ୍ରେମ ଫେରିଆସିଛି । ଆକ୍ସନ, ଥ୍ରିଲ୍ ଲାଇକ୍ ନେଭର ବିଫୋର୍ । ତେବେ ଡିସେମ୍ବର 3ରେ ଏକାଠି ମିଶି ଏହାର ସେଲିବ୍ରେଶନ କରିବା ।’
ସେହିପରି ଯଦି ପୋଷ୍ଟର କଥା ହେବା ତାହାଲେ ବ୍ଲାକ ସୁଟ ପିନ୍ଧି ହାତରେ ବନ୍ଧୁକ ଧରିଥିବାର ନଜର ଆସୁଛନ୍ତି ସେ । ଆଉ ତାଙ୍କ ଇନଟେନ୍ସ ଲୁକ୍ ଦେଖିବାକୁ ମିଳୁଛି । ଫିଲ୍ମରେ ତାଙ୍କ ବ୍ୟତୀତ ତାରା ସୁତାରିଆ ମଧ୍ୟ ମୁଖ୍ୟ ଭୂମିକାରେ ଅଭିନୟ କରୁଛନ୍ତି । ଯାହାର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି ଅହମ୍ମଦ ଖାନ।
