ମୁମ୍ବାଇ: ବି-ଟାଉନର ଆକ୍ସନ ହିରୋ ଟାଇଗର ଶ୍ରଫ୍ ବର୍ତ୍ତମାନ ନିଜ ଆଗାମୀ ଫିଲ୍ମ ‘ବାଗି 3’କୁ ନେଇ ଚର୍ଚ୍ଚାରେ । ଫିଲ୍ମରେ ତାଙ୍କ ସହ ସୁନ୍ଦରୀ ଅଭିନେତ୍ରୀ ଶ୍ରଦ୍ଧା କପୁର ରୋମାନ୍ସ କରୁଥିବାର ନଜର ଆସିବେ । ‘ବାଗି 3’ର ଦମଦାର ଟ୍ରେଲର ଫେବୃଆରୀ 6ରେ ରିଲିଜ କରିବାକୁ ଯାଉଛନ୍ତି ମେକର୍ସ । ଇତିମଧ୍ୟରେ ଜାରି ହୋଇଯାଇଛି ଫିଲ୍ମ ନୂଆ ପୋଷ୍ଟର ।
ଫିଲ୍ମର ନୂଆ ପୋଷ୍ଟରେ ‘ବାଗି 3’ ଲେଖାଯାଇଛି । ସେହିପରି ଟାଇଗର ସଟଲେସ ଅବତାରରେ ହାତରେ ବନ୍ଧୁକ ଧରି ଠିଆ ହୋଇଛନ୍ତି । ପୋଷ୍ଟରରେ ତାଙ୍କ ଚେହେରା ଦେଖାଯାଉନାହିଁ, ତାଙ୍କ ବ୍ୟାକ ଦେଖିବାକୁ ମିଳୁଛି । ଏହା ଦେଖି ଲାଗୁଛି ଯେ ପୁଣିଥରେ ଫିଲ୍ମରେ ଟାଇଗର ଆର୍ମି ଅଫିସର ଭୂମିକାରେ ଅଭିନୟ କରୁଛନ୍ତି ।
- " class="align-text-top noRightClick twitterSection" data="
">
ପୋଷ୍ଟରକୁ ଇନଷ୍ଟାଗ୍ରାମରେ ସେୟାର କରି ଟାଇଗର କ୍ୟାପସନରେ ଲେଖିଛନ୍ତି, ‘ନିଜର ସବୁଠାରୁ ବଡ ଶତ୍ରୁ, ତାଙ୍କର ସବୁଠାରୁ ବଡ ଲଢେଇ, ଏକ ରାଷ୍ଟ୍ର ବିରୋଧରେ, ରୋନି ପୁଣି ଫେରିଛନ୍ତି ।’ ଏହାସହ ସେ ଟ୍ରେଲର ରିଲିଜ ସୂଚନା ମଧ୍ୟ ଦେଇଛନ୍ତି ।
ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି ଅହମ୍ମଦ ଖାନ । ‘ବାଗି 3’, ‘ବାଗି’ ଫ୍ରାଞ୍ଚାଇଜର ତୃତୀୟ ଫିଲ୍ମ । ଏହି ଫ୍ରାଞ୍ଚାଇଜର ପ୍ରଥମ ଫିଲ୍ମ ‘ବାଗି’ ଥିଲା । ଯାହା 2016ରେ ରିଲିଜ ହୋଇଥିଲା । ଯାହାର ନିର୍ଦ୍ଦେଶନା କରିଥିଲେ ସବ୍ବୀର ଖାନ । ଏହି ଫିଲ୍ମରେ ଦର୍ଶକ ଶ୍ରଦ୍ଧା ଓ ଟାଇଗରଙ୍କ ଦମଦାର କେମେଷ୍ଟ୍ରି ଦେଖିବାକୁ ପାଇଥିଲେ ।
ସେହିପରି ‘ବାଗି 2’ ଫିଲ୍ମଟି 2018ରେ ରିଲିଜ ହୋଇଥିଲା । ଏହି ଫିଲ୍ମରେ ଟାଇଗରଙ୍କ ସହ ନଜର ଆସିଥିଲେ ତାଙ୍କ କଥିତ ଗାର୍ଲଫ୍ରେଣ୍ଡ ଦିଶା ପଟାନୀ ।
