ମୁମ୍ବାଇ: ଫିଲ୍ମ ‘ହିରୋପନ୍ତି’ରୁ ଡେବ୍ୟୁ କରିଥିବା ଆକ୍ସନ ହିରୋ ଟାଇଗର ଶ୍ରଫ ନିଜ ଦମଦାର ଅଭିନୟ ଜରିଆରେ ନିଜ ପାଇଁ ବଲିଉଡରେ ସ୍ବତନ୍ତ୍ର ସ୍ଥାନ କରିବାରେ ସଫଳ ହୋଇଛନ୍ତି । ଖାଲି ଅଭିନୟ କ୍ଷେତ୍ରରେ ନୁହେଁ ସେ ଆକ୍ସନ, ଡାନ୍ସ ମାମଲାରେ ମଧ୍ୟ ସମସ୍ତଙ୍କୁ ପଛରେ ପକାଇଦେଇଛନ୍ତି । ଡେବ୍ୟୁ ପରେ ତାଙ୍କ ଲୁକ୍ସ ଉପରେ ଟ୍ରୋଲ କରୁଥିବା କିଛି ଟ୍ରୋଲର୍ସ ଆଜି ତାଙ୍କ ଦିୱାନା ସାଜିଛନ୍ତି । କିନ୍ତୁ ଏବେ ମଧ୍ୟ ତାଙ୍କର ଏକ ଖାସ୍ ଗୁଣ ବିଷୟରେ ଜାଣିନାହାଁନ୍ତି ଫ୍ୟାନ୍ସ । ସେ କାମ ମଝିରେ ପିତା, ଅଭିନେତା ଜ୍ୟାକି ଶ୍ରଫଙ୍କୁ ଖୁବ୍ ମନେ ପକାନ୍ତି ।
ସେ ଇନଷ୍ଟାଷ୍ଟୋରୀରେ ପିତାଙ୍କ ପାଇଁ ଏକ ଭାବବିହ୍ବଳ ପୋଷ୍ଟ କରିଥିବାର ନଜର ଆସିଥିଲେ । ସେ ପିତାଙ୍କ ପୁରୁଣା ଫଟୋ ସହ ନିଜର ଏକ ଫଟୋ କୋଲାଜ କରି ସେୟାର କରିଛନ୍ତି । ଆଉ କ୍ୟାପସନରେ ଲେଖିଛନ୍ତି, ‘ମାଇଁ ଡ୍ୟାଡି ଷ୍ଟ୍ରଗେଷ୍ଟ’ ।
ସବୁଠାରୁ ମଜାଦାର କଥା ହେଲା, କି ଫଟୋରେ ଟାଇଗର ଅବିକଳ ପିତା ଜ୍ୟାକିଙ୍କ ଭଳି ନଜର ଆସୁଛନ୍ତି । ଯାହା ବର୍ତ୍ତମାନ ଫ୍ୟାନ୍ସକୁ ଖୁବ୍ ପସନ୍ଦ ଆସିଛି । ଯଦି କଥା ହେବା ଟାଇଗରଙ୍କ ଆଗାମୀ ଫିଲ୍ମ ବିଷୟରେ ତେବେ ସେ ‘ବାଗୀ’ ଫ୍ରାଞ୍ଚାଇଜର ତୃତୀୟ ସଂସ୍କରଣ ‘ବାଗୀ 3’ ନେଇ ଖୁବଶୀଘ୍ର ନଜର ଆସିବେ । ଏଥର ଆକ୍ସନର ଓଭରଡୋଜ ନେଇ ପରଦାରେ ନଜର ଆସିବେ ସେ । ନିକଟରେ ସୁପରଷ୍ଟାର ହ୍ରିତିକ ରୋଶନଙ୍କ ସହ ତାଙ୍କ ଅଭିନୀତ ଫିଲ୍ମ ‘ୱାର’ ରିଲିଜ ହୋଇଥିଲା । ଯାହା 300 କୋଟିରୁ ଅଧିକ ଆୟ କରି ବ୍ଲକବଷ୍ଟର ସାବ୍ୟସ୍ତ ହେବାରେ ସଫଳ ।
