ମୁମ୍ବାଇ: ବିଶ୍ବରେ କୋରୋନା ଭାଇରାସ ତାଣ୍ଡବ । ଭାରତରେ ମଧ୍ୟ ଅନେକ ଲୋକଙ୍କ ଜୀବନ ଏହି ମହାମାରୀରେ ଚାଲିଗଲାଣି । ଏମିତି ପରିସ୍ଥିତିରେ ସେଲିବ୍ରିଟିଙ୍କ ଦ୍ବାରା ଯାହା ସମ୍ଭବ ତାହା କରୁଛନ୍ତି। ‘ମଦର ନେଚର ଷ୍ଟୁଡିଓ’ର ମାଲିକ ବିଶାଲ କନ୍ଦାର ସହଯୋଗର ହାତ ବଢାଇଛନ୍ତି । ଏହି ଲକଡାଉନରେ ବିଶାଲ ଲୋକଙ୍କୁ ଖାଦ୍ୟ ଯୋଗାଇବାର କାମ କରୁଛନ୍ତି । ସେ ଦିନ ମଜୁରିଆ ଓ ଶ୍ରମିକଙ୍କ ପାଇଁ ଭୋଜନ ପ୍ୟାକିଂ ଏବଂ ବିତରଣ କରୁଛନ୍ତି ।
ବର୍ତ୍ତମାନ ଏହି କ୍ରମରେ ସାମିଲ ହୋଇଛନ୍ତି ଆକ୍ସନ ହିରୋ ଟାଇଗର ଶ୍ରଫ। ଏହି ଏନଜିଓରେ ସେ ସମ୍ପୃକ୍ତ ଜନତାଙ୍କୁ ସାହାଯ୍ୟ କରିବେ । ଏହି ଅବସରରେ ବିଶାଲ କହିଛନ୍ତି ଯେ ଆମେ ବହୁତ ଖୁସି କି ଟାଇଗର ଭଳି ଯୁବ ଆଇକନ ଆମ ପ୍ରାୟସ ଉପରେ ଧ୍ୟାନ ଦେଇଛନ୍ତି । ଆଉ ଆମ ଦ୍ବାରା କରାଯାଉଥିବା କାର୍ଯ୍ୟକୁ ସୋସିଆଲ ମିଡିଆରେ ପୋଷ୍ଟ ମଧ୍ୟ କରିଛନ୍ତି ।
ପ୍ରକାଶ ଥାଉକି କି ଟାଇଗର ଏହି ଏନଜିଓ ଦ୍ବାରା ଦିନ ମଜୁରିଆ, ଶ୍ରମିକଙ୍କ ପାଇଁ କାର୍ଯ୍ୟ କରିବେ । ଟାଇଗରଙ୍କ ପୂର୍ବରୁ ଅନେକ ସେଲିବ୍ରିଟି କିଛି ନା କିଛି ଦେଶବାସୀଙ୍କୁ ସାହାଯ୍ୟ କରିସାରିଲେଣି। କୋଟି କୋଟି ଟଙ୍କା ଦାନ କରି ଦେଶବାସୀଙ୍କୁ ବଞ୍ଚାଇବାକୁ ପ୍ରାୟସ କରୁଛନ୍ତି ସେଲିବ୍ରିଟି।
