ମୁମ୍ବାଇ: ବଲିଉଡ ଅଭିନେତା ଟାଇଗର ଶ୍ରଫଙ୍କ ନିକଟରେ ମୁକ୍ତିଲାଭ କରିଥିଲା 'ବାଗି 3'। ହେଲେ କୋରୋନା ଭାଇରସର ମହାମାରୀ ହେତୁ ପ୍ରେକ୍ଷାଳୟରେ ହଠାତ୍ ଏହା ବନ୍ଦ ହୋଇଥିଲା । ଯାହା ଟାଇଗରଙ୍କୁ ବିଶେଷ ପ୍ରଭାବିତ କରିଥିଲା ।
ଅହମ୍ମଦ ଖାନଙ୍କ ନିର୍ଦ୍ଦେଶିତ ଆକ୍ସନ ଫିଲ୍ମ 'ବାଗି 3'ରେ ଟାଇଗରଙ୍କ ସହ ଶ୍ରଦ୍ଧା କପୁର, ଅଙ୍କିତା ଲୋଖଣ୍ଡେ, ରିତେଶ ଦେଶମୁଖଙ୍କ ପରି ଅନେକ କଳାକାର ମଧ୍ୟ ଅଭିନୟ କରିଥିଲେ । ଟାଇଗର ଶନିବାର ତାଙ୍କ ଇନଷ୍ଟାଗ୍ରାମରେ 'ବାଗି 3' ସୁଟିଂ ସମୟର ଏକ ଭିଡିଓ ସେୟାର କରିଛନ୍ତି । ଯେଉଁଥିରେ ସେ ହାତରେ ବନ୍ଧୁକ ଧରି ଏକ ପଡିଆରେ ନଜର ଆସିଛନ୍ତି । ଯେଉଁଠାରେ ପ୍ରବଳ ମାତ୍ରାରେ ପବନ ମଧ୍ୟ ବହୁଛି ।
ଏହି ଭିଡିଓ ସେୟାର କରିବା ସହିତ ଟାଇଗର କ୍ୟାପସନରେ ଲେଖିଛନ୍ତି ଯେ, 'ବାଗି 3' ସୁଟିଂ ସେଟରେ ବିତେଇଥିବା ଗୋଟିଏ ଦିନ । ଭିଡିଓରେ ତାଙ୍କର କଠିନ ପରିଶ୍ରମକୁ ଦେଖି ତାଙ୍କ ପ୍ରଶଂସକମାନେ ବହୁତ ପ୍ରଶଂସା କରିଥିଲେ । ଜଣେ ଲେଖିଥିଲେ, ତୁମେ ପ୍ରକୃତରେ ଜଣେ ସୁପରହିରୋ । ଅନ୍ୟ ଜଣେ ପ୍ରଶଂସକ ଲେଖିଛନ୍ତି, ଆପଣଙ୍କ ପରିଶ୍ରମ ପାଇଁ ଆମେ ଗର୍ବିତ ।
ବ୍ୟୁରୋ ରିପୋର୍ଟ, ଇଟିଭି ଭାରତ
