ହାଇଦ୍ରାବାଦ: ବଲିଉଡର 'ଦବଙ୍ଗ ଖାନ' ଅର୍ଥାତ୍ ସଲମାନ ଖାନ ଏବଂ କ୍ୟାଟ୍ରିନା କୈଫଙ୍କ ଅଭିନୀତ ଚଳଚ୍ଚିତ୍ର 'ଟାଇଗର -3' ର କାର୍ଯ୍ୟସୂଚୀ ସୁଟିଂ ଶେଷ ହୋଇଛି । ଶନିବାର ଦିଲ୍ଲୀ କାର୍ଯ୍ୟସୂଚୀ ଶେଷ କରିବା ପରେ ସଲମାନ, କ୍ୟାଟ୍ରିନା ଏବଂ ଇମ୍ରାନ ହାସମୀ ମୁମ୍ବାଇ ଫେରିଛନ୍ତି। ଏହି ଚଳଚ୍ଚିତ୍ରର ତିନିଜଣ ମୁଖ୍ୟ ଅଭିନେତା ମୁମ୍ବାଇର ଏକ ଘରୋଇ ବିମାନବନ୍ଦରରେ ନଜର ଆସିଥିଲେ। ଗତ ମଙ୍ଗଳବାର ଦିନ ସଲମାନ-କ୍ୟାଟ୍ରିନା ସୁଟିଂ ପାଇଁ ରାଜଧାନୀ ଦିଲ୍ଲୀ ଯାଇଥିଲେ। ତେବେ କୁହାଯାଉଥିଲା ଯେ ଦିଲ୍ଲୀରେ 10 ରୁ 12 ଦିନର ସୁଟିଂ କାର୍ଯ୍ୟସୂଚୀ ହେବ, କିନ୍ତୁ ଫିଲ୍ମର ଷ୍ଟାରକାଷ୍ଟ ପାଞ୍ଚ ଦିନରେ ସୁଟିଂ ଶେଷ କରିବା ପରେ ଫେରିଆସିଛନ୍ତି ।
- " class="align-text-top noRightClick twitterSection" data="
">
ଶନିବାର ସକାଳେ ସଲମାନ ଖାନ, କ୍ୟାଟ୍ରିନା କୈଫ ଏବଂ ଇମ୍ରାନ ହାସମୀ ମୁମ୍ବାଇର କଳିଙ୍ଗ ବିମାନବନ୍ଦରରେ ନଜର ଆସିଥିଲେ। ଏହି ସମୟରେ, କ୍ୟାଟ୍ରିନା କୈଫ ଗୋଲାପୀ ରଙ୍ଗର ପୋଷାକରେ ନଜର ଆସିଥିଲେ । ଏହି ସମୟରେ ସଲମାନ ଏବଂ ଇମ୍ରାନଙ୍କୁ କାଜୁଆଲ୍ ଲୁକରେ ଦେଖିବାକୁ ମିଳିଥିଲା ।
- " class="align-text-top noRightClick twitterSection" data="
">
ମନୀଷ ଶର୍ମା ଫିଲ୍ମ 'ଟାଇଗର -3' ର ନିର୍ଦ୍ଦେଶନା ଦେଉଛନ୍ତି। ଏହି ଚଳଚ୍ଚିତ୍ରଟି ତୁର୍କୀ, ରୁଷ ଏବଂ ଅଷ୍ଟ୍ରିଆରେ ମଧ୍ୟ ସୁଟିଂ କରାଯାଇଛି। ଏହି ଚଳଚ୍ଚିତ୍ରରେ ସଲମାନ ଖାନଙ୍କ ଚରିତ୍ର ହେଉଛି ହିନ୍ଦୁସ୍ତାନୀ RAW ଏଜେଣ୍ଟ । ଏହି ଚଳଚ୍ଚିତ୍ରରେ ତାଙ୍କ ଚରିତ୍ରର ନାମ ଅବିନାଶ ସିଂ ରାଠୋର, ଯିଏକି 'ଟାଇଗର' ନାଁରେ ଜଣାଶୁଣା । ଏଥି ସହିତ କ୍ୟାଟ୍ରିନା କୈଫଙ୍କୁ ଏହି ଫିଲ୍ମରେ ପାକିସ୍ତାନୀ ଏଜେଣ୍ଟ ଜୋୟା ଭୂମିକାରେ ଦେଖିବାକୁ ମିଳିବ। ଏହା ବ୍ୟତୀତ ଇମ୍ରାନ ହାସମୀ ଏହି ଫିଲ୍ମରେ ଭିଲେନ ଭୂମିକାରେ ଅଭିନୟ କରିବେ।
ଫିଲ୍ମ 'ଏକ ଥା ଟାଇଗର' (2012) କୁ କବୀର ଖାନ ନିର୍ଦ୍ଦେଶନା ଦେଇଥିଲେ। ଏହି ଚଳଚ୍ଚିତ୍ରଟି ବକ୍ସ ଅଫିସରେ ଧମାଲ ମଚାଇଥିଲା । ପାଞ୍ଚ ବର୍ଷ ପରେ 2017 ରେ, ଫିଲ୍ମ 'ଟାଇଗର ଜିନ୍ଦା ହୈ' ଅଲି ଅବ୍ବାସଙ୍କ ଦ୍ବାରା ନିର୍ମିତ ହୋଇଥିଲା । 'ଟାଇଗର -3' କେବେ ରିଲିଜ ହେବ ନିର୍ମାତାମାନେ କୌଣସି ସୂଚନା ଦେଇନାହାଁନ୍ତି ।
