ହାଇଦ୍ରାବାଦ: ବିଗ୍ ବି ଙ୍କୁ ନେଇ ନୂଆ ଚର୍ଚ୍ଚା । ବଲିଉଡ ଅଭିନେତ୍ରୀ ଦୀପିକା ପାଦୁକୋନଙ୍କ ଅଭିନୀତ 'ଦ ଇଣ୍ଟର୍ନ'ର ହିନ୍ଦୀ ରିମେକ୍ ରେ ରୋବର୍ଟ ଡି ନିରୋଙ୍କ ଭୂମିକା ପାଇଁ ଅମିତାଭ ବଚ୍ଚନଙ୍କ ନାମ ଫିଲ୍ମର ନିର୍ମାତାଙ୍କ ଦ୍ବାରା ଅନୁମୋଦିତ ହୋଇଛି ।
- " class="align-text-top noRightClick twitterSection" data="">
ଗତ ବର୍ଷ ଜାନୁଆରୀରେ ହଲିଉଡ କମେଡି ହିଟ୍ 'ଦ ଇଣ୍ଟର୍ନ'ର ହିନ୍ଦୀ ରିମେକ୍ ଘୋଷଣା କରାଯାଇଥିଲା । ଯେଉଁଥିରେ ଋଷି କପୁର ଏବଂ ଦୀପିକା ମୁଖ୍ୟ ଭୂମିକାରେ ଅଭିନୟ କରିବେ ବୋଲି କୁହାଯାଇଥିଲା । ଏହି ଫିଲ୍ମର ସୁଟିଂ ଖୁବ ଶୀଘ୍ର ଆରମ୍ଭ ହେବାକୁ ଥିଲା, କିନ୍ତୁ କୋରୋନା ମହାମାରୀ ହେତୁ ଏବଂ ଋଷିଙ୍କ ଦେହାନ୍ତ ଯୋଗୁଁ ସୁଟିଂ ହୋଇପାରି ନଥିଲା ।
ସେବେଠାରୁ ଫିଲ୍ମର ନିର୍ମାତା ଋଷି କପୁରଙ୍କ ରିପ୍ଲେସମେଣ୍ଟର ତଲାଶ କରୁଥିଲେ, ଏବଂ ତାଙ୍କ ନଜର ବିଗି ବି ଙ୍କ ଉପରେ ପଡିଥିଲା ।
ଯଦି ଏହି ଖବର ସତ, ତେବେ ପିକୁ ଫିଲ୍ମ ପରେ ଏହା ଦ୍ବିତୀୟ ଥର ହେବ, ଯେଉଁଠି ଅମିତାଭ ଏବଂ ଦୀପିକା ଏକାଠି ନଜର ଆସିବେ ।
ପ୍ରକାଶ ଥାଉ ଯେ, ଏହି ଚଳଚ୍ଚିତ୍ରଟି ଦୀପିକାଙ୍କ 'କା ପ୍ରଡକ୍ସନ୍ସ' ଏବଂ ସୁନୀର ଖେତରପାଲଙ୍କ ଅଜୁର୍ ଏଣ୍ଟରଟେନମେଣ୍ଟ ଦ୍ବାରା ପ୍ରସ୍ତୁତ ହେବ ।
