ହାଇଦ୍ରାବାଦ: ବଲିଉଡରେ ନିଜ ଦମଦାର ଅଭିନୟ ପାଇଁ ବେଶ ଲୋକପ୍ରିୟ ହୋଇପାରିଛନ୍ତି ତାପସୀ ପନ୍ନୁ । ତାପସୀଙ୍କ ଅଭିନୟ ପାଇଁ ବଲିଉଡର ପ୍ରାୟ ନିର୍ଦ୍ଦେଶକ ତାଙ୍କୁ ଫିଲ୍ମରେ ନେବା ପାଇଁ ସବୁବେଳେ ଉତ୍ସାହିତ । ତେବେ ତାପସୀ ଆଗକୁ ଫିଲ୍ମ ‘ଷାଣ୍ଢ କି ଆଖଁ’ରେ ଭୂମି ପେଡନେକରଙ୍କ ସହ ନଜର ଆସିବେ ।
ତେବେ ଏହି ଫିଲ୍ମ ପରେ ତାପସୀଙ୍କୁ ଆଉ ଏକ ବଡ ପ୍ରୋଜେକ୍ଟ ମିଳିଛି । ଅନୁଭବ ସିହ୍ନାଙ୍କ ଫିଲ୍ମ ‘ଥପଡ୍’ରେ କାମ କରିବେ ତାପସୀ । ଫିଲ୍ମକୁ ନେଇ ତାପସୀ କହିଥିଲେ ,‘ ଏହା ମହିଳାଙ୍କ ପାଇଁ ଏକ ବଡ ଫିଲ୍ମ ହେବ। ଏଥିରେ ମୁଁ ଜଣେ ଘରଣୀ ଭୁମିକାରେ ନଜର ଆସିବି, ଯିଏ କି ବିଭିନ୍ନ ଅସୁବିଧାର ସମ୍ମୁଖୀନ ହେଉଥିବ ।’
ଫିଲ୍ମଟି 2020 ମାର୍ଚ୍ଚ 8 ବା ମହିଳା ଦିବସରେ ରିଲିଜ ହେବ । ତାପସୀଙ୍କ ଫିଲ୍ମ ‘ଷାଣ୍ଢ କି ଆଖଁ’ ଚଳିତ ବର୍ଷ ଅକ୍ଟୋବର 25ରେ ରିଲିଜ ହେବ । ଏହାସହ ସେ ଅକ୍ଷୟଙ୍କ ସହ ଫିଲ୍ମ ‘ମିଶନ ମଙ୍ଗଲ’ରେ ମଧ୍ୟ ନଜର ଆସିବେ । ଫିଲ୍ମଟି 15 ଅଗଷ୍ଟରେ ରିଲିଜ ହେବ । ପ୍ରକାଶ ଥାଉ କି, ଏହି ଦିନ ପ୍ରଭାଷଙ୍କ ‘ସାହୋ’ ମଧ୍ୟ ରିଲିଜ ହେଉଛି ।
