ହାଇଦ୍ରାବାଦ: ‘ବୋଲେ ଚୁଡିୟାଁ’ରେ ମୌନୀଙ୍କ ବଦଳରେ ଅଭିନୟ କରିବେ ତମନ୍ନା ଭାଟିଆ । ଫିମେଲ ଲିଡ ଭାବରେ ନଜର ଆସିବେ ତମନ୍ନା । ପ୍ରଥମ ଥର ନବାଜୁବ୍ଦିନଙ୍କ ସହ ଅଭିନୟ କରିବେ ସାଉଥ ଷ୍ଟାର ତମନ୍ନା ଭାଟିଆ । ସୁଟିଂ ସେଟରେ ମୌନୀଙ୍କ ଅଭଦ୍ର ବ୍ୟବହାର କାରଣରୁ ଫିଲ୍ମରୁ ତାଙ୍କୁ ବାହାର କରାଯାଇଥିଲା ।
ତେବେ ‘ବୋଲେ ଚୁଡିୟାଁ’ରେ ନିଜ ଚରିତ୍ରକୁ ନେଇ କାଫି ଉତ୍ସାହିତ ଅଛନ୍ତି ତମନ୍ନା । ଫିଲ୍ମର କାହାଣୀ ମଧ୍ୟ ତାଙ୍କୁ ବେଶ ପସନ୍ଦ ଆସିଛି । ଏଥର କିଛି ନୂଆ କରିବେ ବୋଲି କହିଛନ୍ତି ତମନ୍ନା । ତେବେ ପୂର୍ବରୁ ଫିଲ୍ମର ପୋଷ୍ଟର ରିଲିଜ ହୋଇସାରିଥିଲା, ଯେଉଁଥିରେ ମୌନୀଙ୍କୁ ଦେଖିବାକୁ ମିଳିଥିଲା ।
ଏହି ଫିଲ୍ମ ଜରିଆରେ ନବାଜୁବ୍ଦିନଙ୍କ ଭାଇ ଶାମ୍ସ ନବାବ ସିଦିକି ନିର୍ଦ୍ଦେଶନାରେ ଡେବ୍ୟୁ କରିବେ । ଫିଲ୍ମର ପ୍ରଯୋଜନା ଭାର ସମ୍ଭାଳିଛନ୍ତି ରାଜେଶ ଭାଟିଆ ଓ କିରନ ଭାଟିଆ । ଫିଲ୍ମକୁ ରାଜସ୍ଥାନରେ ସୁଟ କରାଯିବ ।
