ହ୍ରିତିକଙ୍କୁ କିସ କରିବାକୁ ବ୍ୟାକୁଳ ତମନ୍ନା

ସାଉଥର ଲୋକପ୍ରିୟ ଅଭିନେତ୍ରୀ ତମନ୍ନା ଭାଟ୍ଟିୟା ନିଜ ଫିଲ୍ମରେ କୌଣସି ଅଭିନେତାଙ୍କ ସହ କିସ୍ ସିନ ନ କରିବାକୁ ନେଇ ଫେମସ । କିନ୍ତୁ ବର୍ତ୍ତମାନ ସେ ନିଜ ନିୟମ ଭାଙ୍ଗିବାକୁ ପ୍ରସ୍ତୁତ ଅଛନ୍ତି । ସେ ବଲିଉଡର ହ୍ୟାଣ୍ଡସମ ଅଭିନେତା ହ୍ରିତିକ୍ ରୋଶନଙ୍କ ସହ କାମ କରିବାର ସୁଯୋଗ ପାଇଲେ ନିହାତି ତାଙ୍କୁ କିସ୍ କରିବେ ବୋଲି କହିଛନ୍ତି।

ଚେନ୍ନାଇ: ସାଉଥର ଫେସମ ଆକ୍ଟ୍ରେସ ତମନ୍ନା ଭାଟ୍ଟିୟାଙ୍କ ଫିଲ୍ମ କଣ୍ଟ୍ରାକ୍ଟରେ ସବୁବେଳେ ଗୋଟିଏ କଥା ରହିଥାଏ । ସେ ଫିଲ୍ମରେ କୌଣସି ହିରୋଙ୍କ ସହ କିସ୍ ସିନ କରିବେ ନାହିଁ ବୋଲି ତାଙ୍କ କଣ୍ଟ୍ରାକ୍ଟରେ ଲେଖାହୋଇଥାଏ । ଏବେ ସେ ନିଜ ନିୟମ ଭାଙ୍ଗିବାକୁ ନିଷ୍ପତ୍ତି ନେଇଛନ୍ତି । ପ୍ରଥମଥର ସେ କୌଣସି ଅଭିନେତାଙ୍କୁ କିସ୍ କରିବେ । ସେ ବଲିଉଡର ହ୍ୟାଣ୍ଡସମ ଆକ୍ଟର ହ୍ରିତିକ୍ ରୋଶନ ପାଇଁ ନିଜ ନିୟମକୁ ପରିବର୍ତ୍ତନ କରିବାକୁ ରାଜି ଅଛନ୍ତି।

ଚାର୍ଟ ଶୋ 'ଫେମସଲୀ ଫିଲ୍ମଫେୟର' (ତାମିଲ)ର ଗୋଟିଏ ଏପିସୋଡରେ ତମନ୍ନା କହିଥିଲେ କି ଯଦି ତାଙ୍କୁ କେବେ ହ୍ରିତିକଙ୍କୁ ସହ କାମ କରିବାର ସୁଯୋଗ ମିଳିବ, ତେବେ ସେ ତାଙ୍କ ପାଇଁ ନିଜ ନିୟମ ଭାଙ୍ଗିବାକୁ ପ୍ରସ୍ତୁତ ଅଛନ୍ତି ।

ପରଦାରେ ସେ କିସିଂ ସିନ କରନ୍ତି ନାହିଁ । ଏହି ନିୟମ ବାସ୍ତବରେ ତାଙ୍କ ଅନୁବନ୍ଧର ଏକ ଅଂଶ । କିନ୍ତୁ ସେ ସବୁବେଳେ ନିଜ ବନ୍ଧୁଙ୍କୁ ମଜାରେ କହିଥାଆନ୍ତି କି ହ୍ରିତିକଙ୍କ ସହ କିସିଂ ସିନ କରିବାରେ ତାଙ୍କର କୌଣସି ଆପତ୍ତି ନାହିଁ ।

ଫିଲ୍ମ 'ବାହୁବଳି: ଦ ବିଗିନିଂ' ଅଭିନେତ୍ରୀ ତମନ୍ନା କହିଛନ୍ତି କି ସେ ହ୍ରିତିକଙ୍କ ବଡ ପ୍ରଶଂସକ ଏବଂ ନିକଟରେ ତାଙ୍କ ସହ ସାକ୍ଷାତ ମଧ୍ୟ କରିଥିଲେ । ହ୍ରିତିକଙ୍କ ସହ ସାକ୍ଷାତ କଲା ବେଳେ ସେ ବହୁତ ଉତ୍ସାହିତ ଥିଲେ । ସାକ୍ଷାତ ସମୟରେ ସେ ନିଜକୁ 16 ବର୍ଷୀୟ ଝିଅ ପରି ଅନୁଭବ କରୁଥିଲେ ।