ମୁମ୍ବାଇ: ଆଜିକାଲି ବଲିଉଡରେ ବାୟୋପିକର ଯୁଗ ଦେଖିବାକୁ ମିଳୁଛି । ଦର୍ଶକ ମଧ୍ୟ ବାୟୋପିକ ଜରିଆରେ ବାସ୍ତବ କାହାଣୀ ଦେଖିବାକୁ ଖୁବ୍ ପସନ୍ଦ କରୁଛନ୍ତି । ତେଣୁ ଦର୍ଶକଙ୍କ ରୁଚିକୁ ଦୃଷ୍ଟିରେ ରଖି ପ୍ରାୟତଃ ନିର୍ମାତା ବିଭିନ୍ନ ମହାନ ବ୍ୟକ୍ତିଙ୍କ ବାୟୋପିକ ନିର୍ମାଣ କରିବାରେ ଲାଗିପଡିଛନ୍ତି ।
ଇତିମଧ୍ୟରେ ଶୁଣିବାକୁ ମିଳୁଛି ଯେ ପୁଣି ପରଦାରେ ଆଉ ଏକ ବାୟୋପିକ ଦେଖିବାକୁ ମିଳିବ । କିଛି ବର୍ଷ ମଧ୍ୟରେ ଅନେକ ସ୍ପୋର୍ଟ୍ସ ବାୟୋପିକ ନିର୍ମାଣ ହୋଇସାରିଥିବା ବେଳେ ଏବେ ପୁଣି ସ୍ପୋର୍ଟ୍ସ ସମ୍ପୃକ୍ତ ଥିବା ଜଣେ ମହିଳା କ୍ରିକେଟରଙ୍କ ବାୟୋପିକ ନିର୍ମାଣ ହେବାକୁ ଯାଉଛି ।
ଦିଗଜ ମହିଳା କ୍ରିକେଟର ମିତାଲୀ ରାଜଙ୍କ ଜୀବନକୁ ନେଇ ନିର୍ମାଣ ହେବ ବାୟୋପିକ । ଆଉ ଏହି ଫିଲ୍ମରେ ନଜର ଆସିପାରନ୍ତି ଚୁଲବୁଲୁ ଅଭିନେତ୍ରୀ ତାପସୀ ପନ୍ନୁ ।
ସେହିପରି ଏକ ସାକ୍ଷାତକାରରେ ତାପସୀ ମଧ୍ୟ କହିଥିଲେ କି ମତାଲୀଙ୍କ ବାୟୋପିକ ଫିଲ୍ମରେ ଅଭିନୟ କଲେ ତାଙ୍କୁ ବହୁତ ଖୁସି ମିଳିବ । ଏବେ ଫିଲ୍ମକୁ ନେଇ କଥାବାର୍ତ୍ତା ଚାଲିଛି କିନ୍ତୁ ଏଯାବତ କିଛି ସ୍ଥିର ହୋଇନାହିଁ ।
