ମୁମ୍ବାଇ: କୋରୋନା ଭାଇରସ ପାଇଁ ବର୍ତ୍ତମାନ ଦେଶରେ ଲକଡାଉନର 4.0 ଚାଲିଛି। ଏମିତି ପରିସ୍ଥିତିରେ ଜନସାଧାରଣଙ୍କଠୁ ନେଇ ସେଲିବ୍ରିଟି ମଧ୍ୟ ନିଜ ନିଜ ଘରେ ବନ୍ଦ ଅଛନ୍ତି। କିଛି ସେଲିବ୍ରିଟି ଫ୍ୟାନ୍ସଙ୍କୁ ମନୋରଞ୍ଜନ କରିବା ପାଇଁ ନିଜର ଫନି ଭିଡିଓ ସେୟାର କରୁଥିବା ବେଳେ ଆଉ କିଛି ନିଜର ଫଟୋସୁଟ ଫଟୋ ସେୟାର କରି ସମସ୍ତଙ୍କ ମନ କିଣୁଛନ୍ତି। ହେଲେ ବି-ଟାଉନର ଚୁଲବୁଲି ଅଭିନେତ୍ରୀ ତାପସୀ ପନ୍ନୁ ଫଟୋସୁଟକୁ ନେଇ ହଟହଟା। ତାଙ୍କ ନୂଆ ଫଟୋକୁ ଦେଖି ଟ୍ରୋଲ କରିବାରେ ଲାଗିଛନ୍ତି ଟ୍ରୋଲର୍ସ।
ମୁମ୍ବାଇରେ ଥିବା ନିଜ ଘରେ ସେ ଏକ ଫ୍ୟାଶନ ମାଗାଜିନ ପାଇଁ ଏହି ଫଟୋସୁଟ କରିଛନ୍ତି । ଫ୍ୟାନ୍ସଙ୍କୁ ତାଙ୍କ ଏହି ଅନ୍ଦାଜ ପସନ୍ଦ ଆସୁଥିବା ବେଳେ ଟ୍ରୋଲର୍ସକୁ ଆଦୌ ପସନ୍ଦ ଆସିନାହିଁ। କିଛି ୟୁଜର୍ସ ଅପମାନଜନକ କମେଣ୍ଟ ମଧ୍ୟ କରିଛନ୍ତି । ଆପଣ ମଧ୍ୟ ଦେଖନ୍ତୁ ତାଙ୍କର ଏହି ଫଟୋସୁଟ...
ପ୍ରକାଶ ଥାଉକି ତାପସୀଙ୍କ ଫଟୋସୁଟ ଷ୍ଟାଇଲିଷ୍ଟ ଦେବକୀ ଭଟ୍ଟ କରିଛନ୍ତି । ସେମିତି ଦେଖିବାକୁ ଗଲେ ତାପସୀଙ୍କ ଭାଉଜ ହେବେ ଦେବକୀ।
