ମୁମ୍ବାଇ: ବଲିଉଡ ଅଭିନେତ୍ରୀ ତାପସୀ ପନ୍ନୁଙ୍କ ଷ୍ଟାରର ଫିଲ୍ମ 'ରଶ୍ମୀ ରକେଟ'ର ସୁଟିଂ ନଭେମ୍ବରରୁ ଆରମ୍ଭ ହେବାକୁ ଯାଉଛି । ଏହି ଚଳଚ୍ଚିତ୍ରର କାହାଣୀ ଏକ ଝିଅ ଉପରେ ଆଧାରିତ । ଯିଏ କି ଦୃତଗତିରେ ଦୌଡିପାରିବାର ବର ପାଇଛନ୍ତି । ଏହି ଅବିଶ୍ବାସନୀୟ କ୍ଷମତାକୁ ଦେଖି ଗାଁ ଲୋକେ ତାଙ୍କୁ ରକେଟର ନାଁରେ ଜାଣିଛନ୍ତି ।
- " class="align-text-top noRightClick twitterSection" data="
">
ଯେତେବେଳେ ଝିଅ ଜଣକ ନିଜ ପ୍ରତିଭାକୁ ବୃତ୍ତିଗତ ଭାବରେ ପ୍ରଦର୍ଶନ କରିବାର ସୁଯୋଗ ପାଆନ୍ତି । ସେତେବେଳେ ସେ ଏହି ସୁଯୋଗକୁ ତାଙ୍କ ହାତରୁ ଯିବାକୁ ଦିଅନ୍ତି ନାହିଁ । ସେ ଏପରିକି ନିଜର ପରିଚୟ ପାଇଁ ବହୁତ ସଂଗ୍ରାମ କରିଥାନ୍ତି ।
'ରଶ୍ମୀ ରକେଟ୍' ନନ୍ଦା ପରିଆସାମି, ଅନିରୁଦ୍ଧ ଗୁମ୍ଫା ଏବଂ କନିକା ଦିଲନ୍ ଲେଖିଛନ୍ତି । ଏହି ଚଳଚ୍ଚିତ୍ରକୁ ଆକର୍ଷ ଖୁରାନା ନିର୍ଦ୍ଦେଶନା ଦେବେ ।
ଆକର୍ଷ ଫିଲ୍ମ ବିଷୟରେ କହିଛନ୍ତି, ମୁଁ ଖୁସି ଯେ ମୋର ଟିମ ଏବଂ ମୁଁ ଆମେ ଶୀଘ୍ର ସୁଟିଂ ଆରମ୍ଭ କରୁଛୁ । ଏହା ଏକ ଚମତ୍କାର କାହାଣୀ ଯାହା ମୁଁ ସୁଟିଂ କରିବାକୁ ନେଇ ଉତ୍ସାହିତ ଅଟେ ।
ତାପସୀ କହିଛନ୍ତି, ଏହି ପ୍ରୋଜେକ୍ଟ ମୋ ପାଇଁ ଅତ୍ୟନ୍ତ ସ୍ବତନ୍ତ୍ର ଅଟେ । ଏହି ଫିଲ୍ମ ପାଇଁ ମହାମାରୀ ପୂର୍ବରୁ ମୁଁ ଏକ ସ୍ପ୍ରିଣ୍ଟର ଭୂମିକାରେ ଅଭିନୟ କରିବାକୁ 3 ମାସ ତାଲିମ ନେଉଥିଲି । କିନ୍ତୁ ବର୍ତ୍ତମାନ ମୁଁ ପୁଣି ଥରେ ସୁଟିଂ ଆରମ୍ଭ କରିବାକୁ ନେଇ ଉତ୍ସାହିତ ଅଛି ।
'ଏକ୍ସଟ୍ରାକସନ୍' ପ୍ରିୟାସୁଂଙ୍କୁ ତାପସୀଙ୍କ ସହ ଏହି ଫିଲ୍ମରେ ମୁଖ୍ୟ ଭୂମିକାରେ ଦେଖିବାକୁ ମିଳିବ ।
ଏହି ଚଳଚ୍ଚିତ୍ର ବିଷୟରେ ରୋନି ସ୍କ୍ରୁବାଲା କହିଛନ୍ତି, 'ରଶ୍ମୀ ରକେଟ୍' ଫିଲ୍ମରେ ଅନେକ ମହିଳାଙ୍କ ଆଥଲେଟ୍ ରେ ସେମାନଙ୍କ ସଂଗ୍ରାମର କାହାଣୀ ବିଷୟରେ କୁହାଯାଇଛି । ଲକଡାଉନ ପରେ, ଆମେ ଆରଏସଭିପି ସହିତ ସୁଟିଂ ଆରମ୍ଭ କରିବାକୁ ନେଇ ଉତ୍ସାହିତ ।
ନେହା ଆନନ୍ଦ ଏବଂ ପ୍ରାଞ୍ଜଲଙ୍କ ସହ ରୋନି ସ୍କ୍ରୁବାଲା ଦ୍ୱାରା ନିର୍ମିତ ରଶ୍ମୀ ରକେଟ୍ 2021 ମସିହାରେ ମୁକ୍ତିଲାଭ କରିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
