ନୂଆଦିଲ୍ଲୀ : ବଲିଉଡ ଅଭିନେତ୍ରୀ ତାପସୀ ପନ୍ନୁ ଫିଲ୍ମ 'ରଶ୍ମୀ ରକେଟ୍'କୁ ନେଇ ବହୁ ଚର୍ଚ୍ଚାରେ ଅଛନ୍ତି । ଏଥିସହିତ ସେ ଫିଲ୍ମର ସୁଟିଂ ସମୟରେ ତାଙ୍କ ପ୍ରଶଂସକଙ୍କ ସହ ଫଟୋ ଏବଂ ଭିଡିଓ ସେୟାର କରୁଛନ୍ତି ।
ଏହି ସମୟରେ ସୋସିଆଲ ମିଡିଆରେ ତାଙ୍କର ଏକ ଫଟୋ ଦିନକୁ ଦିନ ଭାଇରାଲ ହେବାରେ ଲାଗିଛି । ଯେଉଁଥିରେ ସେ ଫେସ୍ ଶୀଲ୍ଡ ପିନ୍ଧିଥିବାର ନଜର ଆସିଛନ୍ତି ।
ତାପସୀ ତାଙ୍କ ଇନଷ୍ଟା ଷ୍ଟୋରୀରେ ଏକ ଫଟୋ ସେୟାର କରିଛନ୍ତି । ଯେଉଁଥିରେ ସେ ଅଭିଷେକ ବାନାର୍ଜୀ ଏବଂ ପ୍ରିୟଙ୍କାଙ୍କ ସହ ଫେସ୍ ଶୀଲ୍ଡ ପିନ୍ଧିଥିବାର ନଜର ଆସିଛନ୍ତି । ତାପସୀ ଏହି ଫଟୋ ସେୟାର କରିଛନ୍ତି ଏବଂ ସୂଚନା ଦେଇଛନ୍ତି ଯେ 'ରଶ୍ମୀ ରକେଟ୍'ର ସୁଟିଂ ଶେଷ ପର୍ଯ୍ୟାୟରେ ଅଛି ଏବଂ ଏଥିପାଇଁ ସେ ପୁରା କ୍ରୁଙ୍କ ସହିତ ଗୁଜୁରାଟ ଯାଉଛନ୍ତି । ଫିଲ୍ମର ଶେଷ ଭାଗ ଗୁଜୁରାଟର ଭୁଜରେ ସୁଟିଂ କରାଯିବ ।
ପ୍ରକାଶ ଥାଉ କି, 'ରଶ୍ମୀ ରକେଟ୍' ଚଳଚ୍ଚିତ୍ର ବ୍ୟତୀତ ତାପସୀ ଶାବାଶ ମିଠୁ, ଲୁପ୍ ଲପେଟା, ହସିନ୍ ଦିଲରୁବା ଭଳି ଚଳଚ୍ଚିତ୍ରରେ ନଜର ଆସିବେ ।
