ମୁମ୍ବାଇ: ଫେମସ ଅଭିନେତ୍ରୀ ସୁସ୍ମିତା ସେନ ପାଖାପାଖି 5 ବର୍ଷ ପରେ ଅଭିନୟ ଦୁନିଆକୁ ଫେରିଛନ୍ତି । ହେଲେ ଏଥର ସେ ଫିଲ୍ମରେ ନୁହେଁ ଡିଜିଟାଲ ଦୁନିଆରେ ନିଜର ଯାଦୁ ଦେଖାଇଛନ୍ତି । ଆଜ୍ଞା ହଁ, ସେ ନିଜର ଡେବ୍ୟୁ ସିରିଜ ‘ଆର୍ଯ୍ୟା’କୁ ନେଇ ଚର୍ଚ୍ଚାରେ । ସେହିପରି ଦର୍ଶକଙ୍କ ମନ କିଣିବାରେ ଲାଗିଛି ତାଙ୍କ ଏହି ସିରିଜ । ହେଲେ ସବୁଠୁ ମୁଖ୍ୟ କଥା ହେଲା ଯେ କେବଳ ଦର୍ଶକଙ୍କ ହୃଦୟ ଜିଣିନାହିଁ ତାଙ୍କ ଦମଦାର ଅଭିନୟ ବରଂ ତାଙ୍କ କଥିତ ବୟଫ୍ରେଣ୍ଡ,ମଡେଲ ରୋହମନ ସେଲଙ୍କୁ ପୁଣିଥରେ ଦିୱାନା କରିଦେଇଛି । ଯାହା ତାଙ୍କ ସୋସିଆଲ ମିଡିଆ ପୋଷ୍ଟରୁ ଜଣାପଡୁଛି ।
- " class="align-text-top noRightClick twitterSection" data="
">
ସେ ଇନଷ୍ଟାଗ୍ରାମରେ ଏକ ଖାସ୍ ଭିଡିଓ ସେୟାର କରିଛନ୍ତି । ଯେଉଁଥିରେ ସେ ତାଙ୍କ ପାଇଁ ଶାନଦାର ଗୀତ ଗାଉଥିବାର ନଜର ଆସୁଛନ୍ତି । ଏହାସହ ସେ ଜଣାଇଛନ୍ତି ଯେ ଆର୍ଯ୍ୟାରେ ସୁସ୍ମିତାଙ୍କ ଆକ୍ଟିଂ ତାଙ୍କୁ ଖୁବ୍ ଇମ୍ପ୍ରେସ କରିଛି ।
ସେହିପରି ସେ ଭିଡିଓର କ୍ୟାପସନରେ ଲେଖିଛନ୍ତି, ‘ମୁଁ ଦୀର୍ଘ କିଛି ମାସରୁ ଏହି ଭିଡିଓ ସେୟାର କରିବାକୁ ଅପେକ୍ଷା କରିଥିଲେ । ପରିଶେଷରେ ସେହି ସମୟ ଆସିଯାଇଛି । ମୁଁ ଏହା ପଛର କାହାଣୀ ଜଣାଇବି । ଏହା ସେହି ସମୟର ଭିଡିଓ ଯେବେ ପ୍ରଥମଥର ଆର୍ଯ୍ୟା ସେଟରେ ଗାଇଥିଲି । ମୁଁ ସୁସ୍ମିତାଙ୍କୁ ଅନେକ ରୂପରେ ଜାଣିଛି । ଆଉ ମତେ କୌଣସି ସନ୍ଦେହ ତାଙ୍କ ଅଭିନୟ ଉପରେ ନଥିଲା । ଆଉ ଯେବେ ତାଙ୍କ ପରଫର୍ମନ୍ସ ପ୍ରଥମଥର ଦେଖିଲି ତେବେ ଅନୁଭବ ହୋଇଥିଲା ଯେ ମୁଁ ଆକ୍ଟର ରୂପେ ତାଙ୍କ ଦକ୍ଷତା ବିଷୟରେ ଅଜଣା ଥିଲି ।’
‘ନୀରଜା’ ଫେମ ନିର୍ଦ୍ଦେଶକ ରାମ ମାଧୱାନୀ ଆର୍ଯ୍ୟାର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି । ଏହି ସିରିଜଟି ଫେମସ ଡଚ କ୍ରାଇନ ଥ୍ରିଲର ‘ପେନେଜା’ର କାହାଣୀକୁ ନେଇ ଆଧାରିତ । ଯାହାକୁ ସନ୍ଦୀପ ଶ୍ରୀବାସ୍ତବ ଓ ଅନୁ ସିଂ ଚୌଧୁରୀ ଲେଖିଛନ୍ତି । ଶୁକ୍ରବାର ଡିଜନୀ ପ୍ଲସ ହଟଷ୍ଟାରର ଭିଆଇପିରେ ରିଲିଜ ହୋଇଛି ‘ଆର୍ଯ୍ୟା’ ।
