ମୁମ୍ବାଇ: ପୁଣିଥରେ ସୁଶାନ୍ତ ସିଂ ରାଜପୁତଙ୍କ ମାମଲାରେ ବିହାର ଡିଜିପି ଗୁପ୍ତେଶ୍ବର ପାଣ୍ଡେଙ୍କ ବୟାନ ସାମ୍ନାକୁ ଆସିଛି । ଯେଉଁଥିରେ ସେ ମୁମ୍ବାଇ ପୋଲିସଙ୍କ ବିଷୟରେ କହି ଚର୍ଚ୍ଚାରେ । ସେ ଏକ ସାକ୍ଷାତକାରରେ ଯୋଗ ଦେଇ କହିଛନ୍ତି ଯେ ପୁରା ଦେଶରେ ମୁମ୍ବାଇ ପୋଲିସର ଛବି ଖରାପ ହେଉଛି । ସେମାନଙ୍କୁ ସାମ୍ନାକୁ ଆସି ସିବିଆଇ ଯାଞ୍ଚରେ ସହଯୋଗ କରିବା କଥା । ସିବିଆଇ ଯାଞ୍ଚର ବିରୋଧ କରାଯାଉଛି । ଯାହା ଠିକ୍ କଥା ନୁହେଁ । ସୁଶାନ୍ତଙ୍କ ମାମଲାରେ ଭ୍ରମିତ କରାଇଛି ମୁମ୍ବାଇ ପୋଲିସ । ଏହା କୌଣସି ସାଧାରଣ ଆତ୍ମହତ୍ୟା ମାମଲା ନୁହେଁ । ସୁଶାନ୍ତଙ୍କ ଆତ୍ମହତ୍ୟା ପଛରେ ଅନେକ ରହସ୍ୟ ଲୁଚି ଅଛି । ଯାହା ସମସ୍ତଙ୍କ ସାମ୍ନାକୁ ଆସିବା ଦରକାର।
ପ୍ରକାଶ ଥାଉକି ଗୋଟିଏ ପଟେ ସିବିଆଇ ସୁଶାନ୍ତଙ୍କ ପରିବାର ବୟାନ ରେକର୍ଡ କରିଥିବା ବେଳେ ପ୍ରବର୍ତ୍ତନ ନିର୍ଦ୍ଦେଶାଳୟ ସୁଶାନ୍ତଙ୍କ ଗାର୍ଲଫ୍ରେଣ୍ଡ ରିଆ ଚକ୍ରବର୍ତ୍ତୀଙ୍କ ସହ ତାଙ୍କ ପୁରା ପରିବାର ବୟାନ ରେକର୍ଡ କରିବାରେ ବ୍ୟସ୍ତ ।
ଖାଲି ଏତିକି ନୁହେଁ ସୁଶାନ୍ତଙ୍କ ଫ୍ଲାଟମେଟ ତଥା କ୍ରିଏଟିଭ ମ୍ୟାନେଜର ସିଦ୍ଧାର୍ଥ ପିଠାନୀଙ୍କୁ ଦୁଇଥର ପଚରାଉଚରା କରିସାରିଲେଣି ଇଡି । ସେହିପରି ରିଆଙ୍କ ବିଜେନସ ମ୍ୟାନେଜର ସୃତି ମୋଦି, ସୁଶାନ୍ତଙ୍କ ଭଉଣୀ ମିତୁ ସିଂଙ୍କ ବୟାନ ମଧ୍ୟ ରେକର୍ଡ କରାଯାଇଛି।
