ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ଚାରି ମାସ ବିତିଗଲାଣି । ହେଲେ ଏଯାବତ ହଟୁନି ପରଦା । ନିକଟରେ ଏମ୍ସ ଫରେନ୍ସିକ ରିପୋର୍ଟରେ ଆତ୍ମହତ୍ୟାର ମୋହର ମାରିଥିଲା ସିବିଆଇ । ଇତିମଧ୍ୟରେ ଆଉ ଏକ ବଡ ଖବର ସାମ୍ନାକୁ ଆସିଛି । ଶୁଣିବାକୁ ମିଳୁଛି ତାଙ୍କ ମାମଲାରେ ମୁଜାଫରପୁର ଅତିରିକ୍ତ ଜିଲ୍ଲା ତଥା ସେସନ୍ସ ଜଜ ନିର୍ମାତା କରନ ଜୋହର, ଆଦିତ୍ୟ ଚୋପ୍ରା ଓ ଅନ୍ୟ ସାତ ଜଣ ନିର୍ମାତାଙ୍କ ବିରୋଧରେ ନୋଟିସ୍ ଜାରି କରିଛନ୍ତି।
ସେପଟେ ଏହି ମାମଲାରେ ସୁପରଷ୍ଟାର ସଲମାନ ଖାନଙ୍କୁ ଆଶ୍ବସ୍ତି ମିଳିଛି। ପ୍ରକାଶ ଥାଉକି ସୁଶାନ୍ତଙ୍କ ମୃତ୍ୟୁ ପରେ ମୁଜାଫରପୁର ଓକିଲ ସୁଧୀର ଓଝା ପରିବାରବାଦକୁ ଆଧାର କରି ମୁଜାଫରପୁର ସିଜେଏମ କୋର୍ଟରେ ଜୁନ 17ରେ ଅଭିଯୋଗ ଦାଖଲ କରିଥିଲେ । ସେ ସୁଶାନ୍ତଙ୍କ ମୃତ୍ୟୁ ପାଇଁ 9 ନିର୍ମାତାଙ୍କୁ ଦାୟୀ କରି ଆଇପିସିର ଧାରା 306, 504 ଏବଂ 506 ଅନୁଯାୟୀ ଏକ ଅଭିଯୋଗ ଆଣିଥିଲେ ।
ଯାହାର ପ୍ରଥମ ଶୁଣାଣି ଅକ୍ଟୋବର 7ରେ ହୋଇଛି । ସେହିପରି ଏହି ମାମଲାରେ ସଲମାନଙ୍କ ଓକିଲ ତାଙ୍କ ପକ୍ଷ ରଖିଥିବାରୁ ତାଙ୍କୁ ଆଶ୍ବସ୍ତି ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
