ନୂଆଦିଲ୍ଲୀ: ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ପୋଷ୍ଟମର୍ଟମ କରାଯାଇଛି । ଏହାର ପ୍ରାଥମିକ ରିପୋର୍ଟ ଅନୁଯାୟୀ ସେ ଆତ୍ମହତ୍ୟା କରିଛନ୍ତି। ତାଙ୍କ ଘରୁ ମିଳିଥିବା ଡାକ୍ତରୀ କାଗଜପତ୍ର ଅନୁସାରେ, ସେ ଗତ କିଛି ମାସ ହେବ ଉଚ୍ଚ ରକ୍ତଚାପ ଓ ମାନସିକ ଚାପରେ ପୀଡିତ ଥିଲେ।
ତାଙ୍କୁ ନିୟମିତ ଭାବେ ଚିକିତ୍ସା କରାଯାଉଥିଲା। ତଥାପି ସେ ଡାକ୍ତରଙ୍କ ଦ୍ବାରା ଦିଆଯାଉଥିବା କୌଣସି ଔଷଧ ଖାଉନଥିଲେ । ଏହାସହ ସେ ଆର୍ଥିକ ସଙ୍କଟରେ ମଧ୍ୟ ନଥିଲେ କାରଣ ତାଙ୍କ ବ୍ୟାଙ୍କ ଆକାଉଣ୍ଟରେ ଯଥେଷ୍ଟ ଅର୍ଥ ରହିଛି । ମୃତ୍ୟୁ ପୂର୍ବରୁ ସେ ଅଭିନେତ୍ରୀ ରିୟା ଚକ୍ରବର୍ତ୍ତୀ ଓ ବନ୍ଧୁ ମହେଶ ସେଟ୍ଟୀଙ୍କୁ ଫୋନ କରିଥିଲେ କିନ୍ତୁ ସେମାନେ ତାଙ୍କ କଲ୍ ରିସିଭ କରିନଥିଲେ ।
ସୁଶାନ୍ତ, ରିୟା ଚକ୍ରବର୍ତ୍ତୀଙ୍କ ସହିତ ବିବାହ କରିବାର ଥିଲା ବୋଲି କୁହାଯାଉଛି । ରିୟାଙ୍କ ସହ ତାଙ୍କର କିଛି ଦିନତଳେ ଝଗଡା ମଧ୍ୟ ହୋଇଥିଲା । ପୋଲିସ ଯାଞ୍ଚ ପାଇ ରିୟା , ମହେଶ ଓ ଏକ୍ସ ଗାର୍ଲଫ୍ରେଣ୍ଡ ଅଙ୍କିତା ଲୋଖଣ୍ଡେଙ୍କୁ 24 ଘଣ୍ଟା ମଧ୍ୟରେ ପଚରାଉଚରା କରିବ ।
