ମୁମ୍ବାଇ: ସୁପରଷ୍ଟାର ସଲମାନ ଖାନଙ୍କୁ ପ୍ରାକୃତିକ ସ୍ଥାନରେ ସମୟ ବିତାଇବାକୁ ଖୁବ୍ ଭଲ ଲାଗେ । ସେ ପ୍ରାୟତଃ ନିଜ ବ୍ୟସ୍ତବହୁଳ ଜୀବନରୁ ସମୟ ବାହାର କରି ଜଙ୍ଗଲ ବୁଲିବାକୁ ଯାଆନ୍ତି । ଏଥର ମଧ୍ୟ ତାଙ୍କୁ ଜଙ୍ଗଲ ସଫାରିରେ ଦେଖିବାକୁ ମିଳୁଛି । ସେ ଗୁରୁବାର ନିଜ ବଡିଗାର୍ଡ ଶେରାଙ୍କ ସହ ଜିପରେ ବସି ଜଙ୍ଗଲ ଭ୍ରମଣ କରିବାକୁ ଯାଇଥିଲେ । ଯାହାର ଫଟୋ ସୋସିଆଲ ମିଡିଆରେ ବର୍ତ୍ତମାନ ଭାଇରାଲ ହେଉଛି । ମୁଖ୍ୟକଥା ହେଲା ତାଙ୍କ ସହ ବରିଷ୍ଠ ଅଭିନେତ୍ରୀ ତଥା ସାମାଜିକ କର୍ମୀ ବୀନା କାକ ମଧ୍ୟ ଜଙ୍ଗଲ ଯାତ୍ରାରେ ଯାଇଥିଲେ ।
ଯାହାର ଫଟୋ ଇନଷ୍ଟାଗ୍ରାମରେ ସେୟାର କରି ଅଭିନେତ୍ରୀ ଲେଖିଛନ୍ତି, ‘ଆଉଟ୍ ଅନ୍ ସଫାରି । ଛୋଟା ମହଲ । ବିଙ୍ଗ୍ ସଲମାନ ଖାନ । ବିଙ୍ଗ୍ ଶେରା ।’ ପ୍ରକାଶ ଥାଉକି ଦୀର୍ଘ ସମୟରୁ ସଲମାନଙ୍କ ପରିବାର ସହ ବୀନାଙ୍କ ଭଲ ସମ୍ପର୍କ ରହିଆସୁଛି । ସେ ପ୍ରାୟତଃ ସଲମାନଙ୍କ ସବୁ କାର୍ଯ୍ୟକ୍ରମରେ ନଜର ଆସନ୍ତି ।
- " class="align-text-top noRightClick twitterSection" data="
">
ଯଦି ସଲମାନଙ୍କ ଚର୍ଚ୍ଚିତ ଫିଲ୍ମ ‘ରାଧେ’ ବିଷୟରେ କଥା ହେବା ତାହାଲେ ଏବର୍ଷ ଇଦରେ ଫିଲ୍ମ ହଲରେ ଦେଖିବେ ଦର୍ଶକ । ପ୍ରଭୁଦେବାଙ୍କ ନିର୍ଦ୍ଦେଶିତ ଏହି ଫିଲ୍ମରେ ସଲମାନଙ୍କ ସହ ଦିଶା ପଟାନୀ ଏବଂ ରଣଦୀପ ହୁଡ୍ଡାଙ୍କୁ ଦେଖିବାକୁ ମିଳିବ ।
