ମୁମ୍ବାଇ: ସୁପରଷ୍ଟାର ସଲମାନ ଖାନଙ୍କର ଦୟାଳୁ ଗୁଣ ସବୁବେଳେ ଦେଖିବାକୁ ମିଳେ । ଯିଏ ନିଜର ବିଙ୍ଗ୍ ହ୍ୟୁମାନ ଫାଉଣ୍ଡେସନ ଜରିଆରେ ଅଭାବୀ ଲୋକଙ୍କୁ ଆର୍ଥିକ ସହାୟତା ପ୍ରଦାନ କରନ୍ତି । ତାଙ୍କ ସାହାଯ୍ୟ ଲୋଡୁଥିବା ଲୋକଙ୍କୁ ସେ କେବେ ମଧ୍ୟ ନିରାଶ କରନ୍ତିନାହିଁ । ଇତିମଧ୍ୟରେ ସେ ଏକ ଥ୍ରୋବ୍ୟାକ ଭିଡିଓ ସେୟାର କରିଛନ୍ତି । ଏହି ଭିଡିଓ ସେ ୱାର୍ଲ୍ଡ ଡାଉନ୍ ସିଣ୍ଡ୍ରୋମ ଡେ ଅବସରରେ ପୋଷ୍ଟ କରିଛନ୍ତି ।
- " class="align-text-top noRightClick twitterSection" data="
">
ଯେଉଁଥିରେ ସେ କିଛି ଦିବ୍ୟାଙ୍ଗ ପିଲାଙ୍କ ସହ ମସ୍ତିମଜାକ ସହ ଡାନ୍ସ କରୁଥିବାର ଦେଖାଯାଉଛନ୍ତି । ସେହିପରି ଭିଡିଓର କ୍ୟାପନସରେ ଲେଖିଛନ୍ତି, ‘ଉମଙ୍ଗ କିଡ୍ସଙ୍କ ସହ ମୋର ଡାନ୍ସ । ଭଗବାନ ସମସ୍ତଙ୍କୁ ଆଶୀର୍ବାଦ ଦିଅନ୍ତୁ । ଲଭ ୟୁ ଅଲ୍ ।’
ସଲମାନଙ୍କ ଏହି ଭିଡିଓରେ ସୋନାକ୍ଷୀ ସିହ୍ନା, ବୀନା କାକ ଓ ତାଙ୍କ ବଡିଗାର୍ଡ ଶେରା ନଜର ଆସୁଛନ୍ତି ।
ପ୍ରକାଶ ଥାଉକି ଏବର୍ଷ ଇଦ ଦର୍ଶକଙ୍କର ଖାଲି ଯିବ ନାହିଁ । କାରଣ ଆକ୍ସନ ଡ୍ରାମା ଫିଲ୍ମ ‘ରାଧେ’ ନେଇ ପରଦାକୁ ଫେରିବେ ସଲମାନ । ମେ 13ରେ ରିଲିଜ ହେବାକୁ ଯାଉଛି ତାଙ୍କ ଏହି ଫିଲ୍ମ ।
