ଚେନ୍ନାଇ: ଆସନ୍ତା 19 ତାରିଖରେ ଭେଟେରାନ ଆକ୍ଟର ରଜନୀକାନ୍ତ ନିଜ ଚିକିତ୍ସା ପାଇଁ ୟୁଏସ ଯାତ୍ରା କରିବେ । ତାଙ୍କ ପାଇଁ ସ୍ପେଶାଲ ଫ୍ଲାଇଟର ବ୍ୟବସ୍ଥା ମଧ୍ୟ କରାଯାଇଛି । ସେ ଗତ କିଛି ବର୍ଷରୁ ଏକ ରୋଗରେ ଆକ୍ରାନ୍ତ ଅଛନ୍ତି ।
ଏହି ଅସୁସ୍ଥତା ପାଇଁ ସେ ପୂର୍ବରୁ ସିଙ୍ଗାପୁର ହସ୍ପିଟାଲରେ ମଧ୍ୟରେ ଭର୍ତ୍ତି ହୋଇଥିଲେ । ଯେଉଁଠାରେ କିଛି ମାସ ତାଙ୍କର ଚିକିତ୍ସା କରାଯାଇଥିଲା । ସେହିପରି ସେ ନିଜ ମେଡିକାଲ ଚେକ୍ଅପ୍ ପାଇଁ ପ୍ରାୟତଃ ୟୁଏସ ଯାତ୍ରା କରନ୍ତି ।
ସେପଟେ ପୂର୍ବରୁ ୟୁଏସରେ ଅଛନ୍ତି ତାଙ୍କ ଝିଅ ଏବଂ ଜ୍ବାଇଁ ତଥା ସାଉଥ ସୁପରଷ୍ଟାର ଧନୁଷ । ଯେଉଁଠାରେ ଧନୁଷ ନିଜର ହଲିଉଡ ଡେବ୍ୟୁ ଫିଲ୍ମର ସୁଟିଂ କରୁଛନ୍ତି ।
ପ୍ରକାଶ ଥାଉକି ନିକଟରେ କୋରୋନା ମହାମାରୀ ସଙ୍କଟ ଯୋଗୁଁ ତାଙ୍କୁ ଆମେରିକା ଯିବାକୁ ଅନୁମତି ଦେବାକୁ ରଜନୀକାନ୍ତ କେନ୍ଦ୍ର ସରକାରଙ୍କୁ ଅନୁରୋଧ କରିଥିଲେ । ସର୍ବଶେଷ ରିପୋର୍ଟ ଅନୁଯାୟୀ, କେନ୍ଦ୍ର ତାଙ୍କୁ ସବୁଜ ସଙ୍କେତ ଦେଇଛନ୍ତି । ଆସନ୍ତା 19 ତାରିଖରେ ସେ ଆମେରିକାକୁ ଏକ ସ୍ବତନ୍ତ୍ର ବିମାନରେ ଯାତ୍ରା କରିବାକୁ ଯାଉଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
