ଚେନ୍ନାଇ: କୋରୋନାର ଦ୍ବିତୀୟ ଲହର ସାରା ଦେଶରେ ଲୋକଙ୍କ ଦୁଃଖ ବଢାଇବାରେ ଲାଗିଛି । କ୍ରମାଗତ ଭାବରେ ଲୋକଙ୍କ ମୃତ୍ୟୁ ଖବର ସାମ୍ନାକୁ ଆସୁଛି । ସେପଟେ ବଲିଉଡ, ଟଲିଉଡ ଏବଂ ଟିଭି ଇଣ୍ଡଷ୍ଟ୍ରିରେ ମଧ୍ୟ ଏହାର ପ୍ରଭାବ ଦେଖିବାକୁ ମିଳୁଛି । କୋରୋନାରେ ସଂକ୍ରମିତ ହୋଇ ଚାଲିଗଲାଣି ଅନେକ ସେଲିବ୍ରିଟିଙ୍କ ଜୀବନ । ଏବେ ପୁଣି ସମାନ ଦୁଃଖଦ ଖବର ଶୁଣିବାକୁ ମିଳୁଛି । ସାଉଥ ଇଣ୍ଡଷ୍ଟ୍ରିରେ ଆଉ ଜଣେ କଳାକାରଙ୍କ ଦେହାନ୍ତ ବର୍ତ୍ତମାନ ସମସ୍ତଙ୍କୁ ଚକିତ କରିଛି । କାରଣ ଦୁନିଆ ଛାଡି ଚାଲିଯାଇଛନ୍ତି ଜଣାଶୁଣା ଆକ୍ଟର ନୀତିଶ ବୀରା ।
କୋରୋନା ସଂକ୍ରମିତ ହେତୁ ତାଙ୍କର ଦେହାନ୍ତ ହୋଇଛି । ନୀତିଶ ଜଣେ ତାମିଲ ଆକ୍ଟର ଥିଲେ । ଯିଏ ଅନେକ ସୁପରହିଟ୍ ଫିଲ୍ମରେ ବଡ ବଡ କଳାକାରଙ୍କ ସହ କାମ କରିସାରିଛନ୍ତି। ସେ ସୁପରଷ୍ଟାର ରଜନୀକାନ୍ତଙ୍କ ସହ ‘କାଲା’ଏବଂ ଧନୁଷଙ୍କ ସହ ‘ଅସୁରନ’ରେ ଶାନଦାର ଅଭିନୟ କରିଥିଲେ ।
ସୋମବାର 45 ବର୍ଷୀୟ ନୀତିଶ ଚେନ୍ନାଇର ଓମାନାଦୁର ଡାକ୍ତରଖାନାରେ ଶେଷ ନିଶ୍ବାସ ତ୍ୟାଗ କରିଛନ୍ତି ।
