ମୁମ୍ବାଇ: ବିଗ ବି ଅମିତାଭ ବଚ୍ଚନ ଫିଲ୍ମ ବ୍ୟତୀତ ସୋସିଆଲ ମିଡିଆରେ ମଧ୍ୟ ଖୁବ୍ ସକ୍ରିୟ ରୁହନ୍ତି । ସେ ଫ୍ୟାନ୍ସଙ୍କ ସହ କନେକ୍ଟ ରହିବା ପାଇଁ ପ୍ରାୟତଃ କିଛି ନା କିଛି ସେୟାର କରୁଥିବାର ନଜର ଆସନ୍ତି । କେବେ ନିଜ କବିତା ଦ୍ବାରା ତ କେବେ ସାମାଜିକ ଜ୍ଞାନ ବାଣ୍ଟନ୍ତି । ହେଲେ ଏବେ ସେ ନିଜ ଫିଲ୍ମର ଏକ ଥ୍ରୋବ୍ୟାକ ଫଟୋ ପୋଷ୍ଟ କରିଛନ୍ତି, ଯାହା କେବେ ନିର୍ମାଣ ହୋଇନଥିଲା ।
ବର୍ତ୍ତମାନ ଭାଇରାଲ ହେଉଥିବା ଏହି ଫଟୋରେ ଅମିତାଭ ଡେନିମ୍ ଜ୍ୟାକେଟ ସହ ବ୍ଲାକ ପ୍ୟାଣ୍ଟ ପିନ୍ଧିଥିବାର ଦେଖାଯାଉଛନ୍ତି । ଆଉ ସେହିପରି ହାତରେ ବନ୍ଧୁକ ଧରିଛନ୍ତି । ଏହି ଫଟୋସୁଟ ସେ ନିଜର ଏକ ଫିଲ୍ମ ପାଇଁ କରିଥିଲେ । ସବୁ କିଛି ପ୍ରସ୍ତୁତ ହୋଇଯାଇଥିଲା, ହେଲେ ଫିଲ୍ମ ନିର୍ମାଣ ହୋଇନଥିଲା ଫିଲ୍ମ । ଯାହା ବିଷୟରେ ସେ ଜଣାଇଛନ୍ତି ।
ଆଉ ଏହାର କ୍ୟାପସନରେ ଲେଖିଛନ୍ତି, ‘ଏହି ଫିଲ୍ମ ଯାହା କେବେ ନିର୍ମାଣ ହୋଇନଥିଲା । ଷ୍ଟାଇଲ ଫଟୋସୁଟ ସହ ଟାଇଟେଲ ମଧ୍ୟ ରେଡି ଥିଲା, ହେଲେ ଫିଲ୍ମ ହୋଇପାରିଲା ନାହିଁ । ଦୟା ।’
- " class="align-text-top noRightClick twitterSection" data="
">
ପ୍ରକାଶ ଥାଉକି ଅମିତାଭଙ୍କ ବ୍ୟାକ ଟୁ ବ୍ୟାକ ଫିଲ୍ମ ଦେଖିବାକୁ ମିଳିବ । ଖୁବଶୀଘ୍ର ତାଙ୍କ ମଲ୍ଟି ଷ୍ଟାରର ଫିଲ୍ମ ‘ବ୍ରହ୍ମାସ୍ତ୍ର’ ରିଲିଜ ହେବାକୁ ଯାଉଛି । ଏହାପରେ ‘ଝୁଣ୍ଡ’, ‘ଚେହେରେ’ ଦେଖିବେ ଦର୍ଶକ । ଏହବ୍ୟତୀତ ଅଭିନେତ୍ରୀ ଦୀପିକା ପାଦୁକୋନ ଓ ସାଉଥ ସୁପରଷ୍ଟାର ପ୍ରଭାସଙ୍କ ଅପକମିଂ ଫିଲ୍ମରେ ନଜର ଆସିବେ ସେ ।
@IANS
