ମୁମ୍ବାଇ: ନିଜ ଦମଦାର କମେଡିରେ ଦର୍ଶକଙ୍କୁ ବେଶ ହସାଇଥିବା କ୍ୟୁଟ ଅଭିନେତା କାର୍ତ୍ତିକ ଆର୍ଯ୍ୟନ ଓ ସନି ସିଂଙ୍କ କଥା କିଛି ନିଆରା । ‘ପ୍ୟାର କା ପଞ୍ଚନାମ’ 2 ଓ ‘ସୋନୁ କି ଟିଟୁ କି ସ୍ବିଟି’ ଫିଲ୍ମ ଜରିଆରେ ଦର୍ଶକଙ୍କୁ କମେଡିର ଖୋରାକ ଯୋଗାଇ ଥିବା ଏହି ଦୁଇ ଅଭିନେତାଙ୍କୁ ପରଦାରେ ଦେଖିବାକୁ ସବୁବେଳେ ବ୍ୟାକୁଳ ଦର୍ଶକ । ଯେତେବେଳେ ମଧ୍ୟ ଦୁଇଜଣ ଏକାଠି ଫିଲ୍ମରେ ନଜର ଆସନ୍ତି ଦର୍ଶକ ସବୁ ଟେନସନ ଭୁଲି ଯାଆନ୍ତି ।
- " class="align-text-top noRightClick twitterSection" data="
">
ଏଥର ମଧ୍ୟ ଏହି ଦୁଇ ଅଭିନେତା ପ୍ରସ୍ତୁତ ହୋଇସାରିଲେଣି ନିଜ ମଜାଦାର କମେଡି ନେଇ ଫେରିବାକୁ । ଆଜ୍ଞା ହଁ, କାର୍ତ୍ତିକଙ୍କ ବହୁ ଚର୍ଚ୍ଚିତ ଫିଲ୍ମ ‘ପତି ପତ୍ନୀ ଔର ୱୋ’ରେ ଧମଲ ମଚାଇବାକୁ ଆସିବେ ସନ୍ନି । ଏହି ଅବସରରେ କାର୍ତ୍ତିକ ଶନିବାର ଇନଷ୍ଟାଗ୍ରାମରେ ଏହାର ଘୋଷଣା କରି ଫ୍ୟାନ୍ସଙ୍କୁ ସରପ୍ରାଇଜ ଦେଇଛନ୍ତି । ସନ୍ନିଙ୍କ ସହ ଏକ ଫଟୋ ସେୟାର କରି ସେ ଲେଖିଛନ୍ତି, ‘ସୋନୁ କି ଟିଟୁ ଆସୁଛନ୍ତି ଚିଣ୍ଟୁ ତ୍ୟାଗୀ ସେ ସାକ୍ଷାତ କରିବାକୁ । ପତି ପତ୍ନୀ ଔର ୱୋ ମେଂ । ତେରା ୟାର ହୁଁ ମେଁ ।’
କାର୍ତ୍ତିକ ଓ ସନ୍ନିଙ୍କ ବ୍ୟତୀତ ଫିଲ୍ମରେ ଭୂମି ପେଡନେକର ଆଉ ନବାଗତ ଅଭିନେତ୍ରୀ ଅନନ୍ୟା ପାଣ୍ଡେ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । ସେହିପରି ଅପାରଶକ୍ତି ଖୁରାନାଙ୍କ କମେଡି ଝଲକ ମଧ୍ୟ ଦେଖିବାକୁ ପାଇବେ ଦର୍ଶକ ।
ପ୍ରକାଶ ଥାଉକି 1978ରେ ଆଈ ବିଆର ଚୋପ୍ରାଙ୍କ ଆସିଥିବା ଫିଲ୍ମ ‘ପତି ପତ୍ନୀ ଔର ୱୋ’ର ଏହା ରିମେକ ଫିଲ୍ମ । 70 ଦଶକର ଏହି ସୁପରହିଟ୍ କମେଡି ଫିଲ୍ମରେ ସଞ୍ଜୀବ କପୁର ମୁଖ୍ୟ ଭୂମିକାରେ ଅଭିନୟ କରିଥିଲେ । ଆଉ ତାଙ୍କ ପତ୍ନୀ ଭୂମିକାରେ ବିଦ୍ୟା ସିହ୍ନା ନଜର ଆସିଥିବା ବେଳେ ତାଙ୍କ ସେକ୍ରେଟରୀ ରୋଲରେ ରଞ୍ଜୀତା କୌର ଅଭିନୟ କରିଥିଲେ । କାର୍ତ୍ତିକଙ୍କ ପତି ପତ୍ନୀ ଔର ୱୋ ଡିସେମ୍ବର 6ରେ ରିଲିଜ ହେବ । ଯାହାକୁ ନେଇ ଉତ୍ସାହିତ ଫ୍ୟାନ୍ସ ।
